Jobo 17:1-16
17 Ke oele moea, matsatsi a ka a felile,Lebitla le nkemetse.+
2 Ke pota-potiloe ke basomi+’Me ke bona* boitšoaro ba bona ba borabele.
3 Ke kopa u ntšepise hore u tla ntšireletsa.
Ke mang e mong ea tla nthusa?+
4 U entse hore ba se ke ba e-ba le temoho,+Ke kahoo u sa ba atlehiseng.
5 Batho bana ba re ba tla arolelana lintho le metsoalle ea bona,Ha bana ba bona ba bolaoa ke tlala.
6 U entse hore batho ba ntšome*+E le hore ba ntšoele ka mathe sefahlehong.+
7 Mahlo a ka a fifatsoa ke matšoenyeho+’Me maoto le matsoho a ka a joaloka moriti.
8 Batho ba lokileng baa makala ha ba mpona’Me ba se nang molato ba tšoenngoa ke batho ba lahlileng Molimo.*
9 Motho ea lokileng o ntse a tšoareletse tseleng ea hae+Le motho ea matsoho a hloekileng o ntse a e-ba matla.+
10 Leha ho le joalo, lona kaofela le ka tla ’me la tsoela pele ho phehisana le ’naKaha ha kea fumana le ea mong ea bohlale har’a lona.+
11 Matsatsi a ka a fetile,+Merero ea ka le litakatso tsa pelo ea ka li senyehile.+
12 Ba re bosiu ke motšehare,Ba boetse ba re, ‘Khanya e tlameha ebe e haufi hobane ho lefifi.’
13 Haeba ke leta, Lebitla* e tla ba lehae la ka,+Ke tla ala liphate tsa ka lefifing.+
14 Ke tla hoeletsa sekoti*+ ke re, ‘U ntate oa ka!’
Ho liboko* ke re, ‘U ’mè oa ka le ausi oa ka!’
15 Joale tšepo ea ka e hokae?+
Ke mang ea e bonang?
16 Tšepo ea ka e tla theohela likeiting tsa Lebitla,*Ha kaofela ha rona re theohela leroleng.”+
Linaletsana
^ Kapa: “lula holim’a.”
^ Ka Seheberu: “U entse hore ke be maele.”
^ Kapa: “ke bakoenehi.”
^ Kapa: “Sheole.” Sheba Tlhaloso.
^ Kapa: “lebitla.”
^ Kapa: “tšenyane.”
^ Kapa: “Sheole.” Sheba Tlhaloso.
