Jobo 31:1-40
31 Ke entse selekane le mahlo a ka+Hore nke ke ka sheba mosali* e mong ka tsela e sa lokang.+
2 Ke tla fumana’ng ho tsoa ho Molimo ea holimo?
Ke lefa lefe leo Ea Matla ’Ohle ea sebakeng se phahameng a tla mpha lona?
3 Na motho ea etsang lintho tse mpe ha aa emeloa ke koluoaLe motho ea etsang lintho tse kotsi ha aa emeloa ke tlokotsi?+
4 Na Molimo ha a bone litsela tsa ka+Le ho bala mehato eohle ea ka?
5 Na nkile ka bua leshano?*
Na ho na le motho eo nkileng ka mo thetsa?+
6 Molimo a ke a nkale ka sekala sa ’nete+’Me o tla bona hore kea tšepahala.+
7 Haeba mehato ea ka e kheloha tsela+Kapa pelo ea ka e latetse mahlo a ka+Kapa matsoho a ka a sa hloeka,
8 Lijo tseo ke li jalang li ke li jeoe ke motho e mong+Le lintho tseo ke li lemang li fotholoe.*
9 Haeba nkile ka khahloa ke mosali e mong+’Me ka ema+ monyako oa moahisani oa ka ke emetse mosali oa hae,
10 Mosali oa ka a ke a silele monna e mong koro*’Me banna ba bang ba robale le eena.*+
11 E ne e tla ba ke entse ntho e hlabisang lihlong.
Baahloli ba ne ba tla lokela ho mpha kotlo ka lebaka la phoso eo.+
12 Ntho eo ke e entseng e ne e tla ba joaloka mollo, e chese+Le ho felisa lintho tsohle tseo ke nang le tsona.
13 Haeba ke sa mameleHa basebeletsi ba ka ba banna le ba basali ba tletleba* ka ’na,
14 Ke tla re’ng ha Molimo a mpotsa?*
Ke tla mo araba joang ha a re ke ikarabelle ka ntho eo ke e entseng?+
15 Na ha se Molimo ea entseng ’na le bona ka popelong?+
Na ha se eena ea re bopileng pele re tsoaloa?*+
16 Haeba ke ne ke hana ho fa bafutsana lintho tseo ba li hlokang+Kapa ke utloisa mohlolohali bohloko+
17 Haeba ke ne ke ja ke le mong,Ke sa fe likhutsana letho,+
18 (Ke holisitse likhutsana ho tloha bocheng ba ka joalokaha eka ke ntate oa tsonaHape haesale ke thusa bahlolohali ho tloha bongoaneng ba ka.)*
19 Haeba ke bona motho a bolaoa ke serame hobane a se na liaparoKapa ke bona mofutsana a se na ntho eo a ka e aparang,+
20 Haeba ke sa mo fa boea ba linku tsa kaE le hore a ka iphuthumatsa ebe oa nteboha,*+
21 Haeba ke ile ka tšosa likhutsana ka hore ke tla li otla+Ha li ne li hloka thuso ea ka keiting ea motse,*+
22 Letsoho la ka le ke le tsoe lehetleng ’me le oele fatšeHape le ke le robehe setsoeng.
23 Ke ne ke tšaba koluoa e tsoang ho MolimoEbile ke sa khone ho ema ka pel’a khanya ea hae.
24 Haeba ke ne ke tšepile khautaKapa ke itse ho khauta, ‘U tšireletso ea ka,’+
25 Haeba ke ne ke thaba hobane ke ruile haholo+Ebile ke e-na le lintho tse ngata,+
26 Haeba ke bone ha letsatsi le khanyaKapa ha khoeli e tsamaea ka botle ba eona+
27 Eaba pelo ea ka e khahloa ke tsona ka sephiring’Me ke beha matsoho a ka molomong ho li rapela,+
28 E ne e tla ba ke entse phoso ’me baahloli ba ne ba tla lokela ho mpha kotloKaha ke ne ke tla be ke latotse Molimo oa ’nete ea leholimong.
29 Na nkile ka thabela litsietsi tsa sera sa ka+Kapa ka thabela ho bona se hlaheloa ke lintho tse mpe?
30 Ha ke e-s’o ka ke lumella molomo oa ka hore o etse sebeKa ho lakaletsa sera sa ka bobe le ho batla hore se bolaoe.+
31 Na banna ba ntlo ea ka ha baa ka ba re,‘Batho bohle ba tlang ha Jobo ba ja* ho fihlela ba khotsofala’?+
32 Ha ho na motho* ea neng a robala ka ntle bosiu.+
Ke ne ke amohela baeti.
33 Na nkile ka leka ho pata liphoso tsa ka joaloka batho ba bang,+Ka li pata ka pokothong ea seaparo sa ka?
34 Na nkile ka tšaba hore na batho ba bangata ba tla re’ngKapa ka tšosoa ke ho songoa ke malapa a mang,Hoo ke ileng ka thola ’me ka tšaba ho tsoela ka ntle?
35 Hoja ho ka ba le motho ea ’mamelang.+
Ke ne ke tla ngola lebitso la ka e le ho tiisa hore seo ke se buileng ke ’nete.
Ea Matla ’Ohle a ke a nkarabe.+
Haeba feela motho ea nqosang a ne a ngotse lintho tseo a nqosang ka tsona fatše,
36 Ke ne ke tla li jara mahetleng,Ke li roale hloohong joaloka korone.
37 Ke ne ke tla mo bolella mohato o mong le o mong oo ke o nkang.
Ke ee ho eena ka sebete joalokaha eka ke khosana.
38 Haeba ke etsa hore masimo a ka a lleLe hore liforo tsa ’ona kaofela li lle
39 Haeba ke jele lijo tse tsoang ho ’ona ke sa patala+ batho ba lemmengKapa ke utloisitse batho bao e neng e le a bona bohloko,+
40 Masimong a ka ho ke ho hlahe meutloa eseng koro,Ho hlahe litlama-tlama tse nkhang hampe eseng harese.”Mantsoe a Jobo a fella mona.
Linaletsana
^ Ka Seheberu: “moroetsana.”
^ Kapa mohlomong: “ka tsamaea le batho ba sa tšepahaleng.”
^ Kapa: “Le litloholo tsa ka li ke li ntšoe.”
^ Ka Seheberu: “lijo-thollo.” Sheba Tlhaloso.
^ Ka Seheberu: “banna ba bang ba khumame holim’a hae.”
^ Kapa: “nyeoe.”
^ Ka Seheberu: “a ema?”
^ Ka Seheberu: “ka popelong?”
^ Ka Seheberu: “ho tloha ka popelong ea ’mè oa ka.”
^ Ka Seheberu: “ntlhohonolofatsa.”
^ Kapa mohlomong: “Ha ke ne ke bona hore ho na le batho ba ntšehetsang keiting ea motse.”
^ Ka Seheberu: “ba ja nama.”
^ Kapa: “molichaba.”
