Lipesaleme 1:1-6
1 Ho thaba motho ea sa lateleng keletso ea ba khopo,Ea sa tsamaeeng tseleng ea baetsalibe,+Ea sa luleng le basomi.+
2 Empa o thabela molao oa Jehova,+O bala molao oa Hae le ho nahanisisa ka oona* bosiu le motšehare.+
3 O tla ba joaloka sefate se lenngoeng haufi le melapo ea metsi,Se behang litholoana ka nako ea tsona,Seo makhasi* a sona a sa poneng.
O tla atleha linthong tsohle tseo a li etsang.+
4 Ba khopo ha ba joalo.
Ba joaloka ’moko o fefoloang ke moea.
5 Ke kahoo ba khopo ba tla fumanoa ba le molato ha ba ahloloa,+Le baetsalibe ba ke ke ba fumanoa har’a batho ba lokileng.+
6 Jehova o tseba litsela tsa ba lokileng+Empa litsela tsa ba khopo li tla fela.+
