Lipesaleme 139:1-24
Ho motsamaisi. Pesaleme ea Davida. Pina.
139 Jehova, u ntlhahlobile ’me oa ntseba.+
2 U tseba ha ke lula le ha ke ema.+
U bona lintho tseo ke li nahanang u le hole.+
3 Oa mpona ha ke le leetong le ha ke paqama.
U tseba lintho tsohle tseo ke li etsang.+
4 Jehova, le pele ke bua eng kapa eng,U se u ntse u tseba hore na ke tl’o re’ng.+
5 U mpota-potile hore u ntšireletseEbile u ntšoara ka letsoho.
6 Tsela eo u ntsebang ka eona ea hlolla.
Ho thata hore ke e utloisise.+
7 Nka ea kae hore ke balehe moea oa hao,Nka ipata hokae moo u ke keng oa mpona?+
8 Le haeba ke ne nka nyolohela leholimong, u ne u tla mpona.
Le haeba ke ne nka robala ka Lebitleng,* u ne u ntse u tla mpona.+
9 Haeba ke ne nka fofa kapele ho feta kamoo khanya e hlahang kateng hosengHore ke eo lula leoatleng le hole haholo,
10 Le hona moo u ne u tla ntataisa ka letsoho la haoU be u ntšoare ka letsoho la hao le letona.+
11 Haeba ke re: “Nke ke ka bonahala ha ke le lefifing,”Ho uena lefifi leo le ne le tla ba joaloka khanya.
12 Lefifi le ne le ke ke la e-ba letšo ho uena,Bosiu bo ne bo tla khanya joaloka motšehare.+
Ho uena lefifi le tšoana le khanya.+
13 U entse liphio tsa ka,Oa mpata* ka popelong ea ’me oa ka.+
14 Kea u rorisa hobane u nkentse ka tsela e hlollang haholo.+
Mesebetsi ea hao e metle,+Ke tseba sena hantle.
15 U ile oa bona masapo a kaHa ke ne ke etsoa sephiring,Ke hola ka popelong ea ’mè oa ka.*+
16 U ile oa mpona ke sa le lesea le ka popelong.
Likarolo tsohle tsa ka li ne li ngotsoe bukeng ea haoLe pele li e-ba teng.
Ho ne ho ngotsoe matsatsi ao li ileng tsa boptjoa ka ’ona.
17 Molimo, lintho tseo u li nahanang li bohlokoa ho ’na.+
Li ngata haholo.+
18 Ha ke ne nka leka ho li bala, li ne li tla feta palo ea lehlabathe.+
Leha ke tsoha ke ne ke tla be ke e-s’o qete ho li bala.*+
19 Molimo, haeba u ne u ka bolaea ba khopo,+Batho ba ratang ntoa* ba ne ba tla tloha ho ’na,
20 Ba buang hampe ka uena ka morero o mobe.*
Ke lira tsa hao tse sebelisang lebitso la hao hampe.+
21 Ke hloile ba u hloileng, Jehova+Ebile ke nyonya ba u fetohelang.+
22 Ke ba hloile haholo.+
E se e le lira tsa ka.
23 Ntlhahlobe Molimo ’me u bone se ka pelong ea ka.+
Ntlhahlobe ’me u tsebe lintho tse ntšoenyang* tseo ke li nahanang.+
24 Sheba hore na ho na le ntho leha e le efe e mpe ka pelong ea ka.+
U ntsamaise+ tseleng e tla lula e le teng ka ho sa feleng.
Linaletsana
^ Kapa: “Sheole.” Sheba Tlhaloso.
^ Kapa mohlomong: “oa mpopa.”
^ Ka Seheberu: “Ke lohuoa botebong ba lefatše.”
^ Ka Seheberu: “ke ntse ke e-na le uena.”
^ Kapa: “ba molato oa mali.”
^ Kapa: “ho ea ka seo ba se nahanneng.”
^ Kapa: “tse ntlhokisang botsitso.”
