Liproverbia 22:1-29
22 Khetha botumo bo botle* ho e-na le maruo a mangata.+
Ho hlomphuoa ho molemo ho feta silevera le khauta.
2 Morui le mofutsana ba tšoana ka ntho ena:*
Jehova o ba bopile ba le babeli.+
3 Ea bohlale o bona kotsi ebe oa ipataEmpa ba se nang kelello* ha ba ipate ebe ba fumana litholoana tse bosula.*
4 Motho ea ikokobelitseng a bile a tšaba JehovaO tla fumana maruo, tlhompho le bophelo.+
5 Meutloa le lifi li tseleng ea motho ea sa tšepahalengEmpa ea ratang bophelo ba hae o emella hole le tsona.+
6 Ruta ngoana* tsela eo a lokelang ho e nka.+
Esita leha a tsofala a ke ke a e fapoha.+
7 Morui o busa mofutsana’Me ea alingoang ke lekhoba la motho ea mo alimang.+
8 Mang kapa mang ea jalang ho se loke o tla kotula tlokotsi,+Molamu oa khalefo ea hae o tla fela.+
9 Motho ea fanang* o tla hlohonolofatsoaHobane o arolelana lijo tsa hae le bafutsana.+
10 Leleka mosomiQabang e fele.
Likhang* le litlhapa le tsona li tla khaotsa.
11 Motho ea ratang pelo e hloekileng a bile a le lipuo li mosaE tla ba motsoalle oa morena.+
12 Mahlo a Jehova a sireletsa tseboEmpa o shanofatsa mantsoe a molotsana.+
13 Ea botsoa o re: “Ho na le tau ka ntle,E tla mpolaela seterateng.”+
14 Melomo ea basali ba lihlola* e joaloka sekoti se tebileng.+
Ea ahlotsoeng ke Jehova o tla oela ka ho sona.
15 Booatla bo tlameletsoe pelong ea ngoana*+Empa thupa e mo khalemelang e tla bo suthisetsa hole le eena.+
16 Ea etsetsang bafutsana bolotsana hore a ikekeletse maruo+Le ea fang barui limpho,Qetellong o tla futsaneha.
17 Mamela mantsoe a ba bohlale+ ka hlokoE le hore u amohele tsebo ea ka ka pelo eohle.+
18 Ke ntho e monate ho a boloka ka pelong ea hao+E le hore kaofela ha ’ona a ka ba molomong+ oa hao ka linako tsohle.
19 Ke u fa tsebo kajenoE le hore tšepo ea hao e be ho Jehova.
20 Ke u ngolletseE le hore ke u fe likeletso le tsebo,
21 Ho u ruta mantsoe a ’nete le a tšepahalangE le hore u khutle le tlaleho e nepahetseng ho ea u rommeng.
22 U se ke oa utsoetsa bafutsana hobane ba futsanehile+’Me u se ke oa hatella ba hlokang ha u e-na le nyeoe le bona.*+
23 Jehova o tla buella nyeoe ea bona,+O tla timetsa ba ba utsoetsang.
24 U se ke oa lula le sefela-peloanaKapa oa tloaelana le motho ea halefang le feela,
25 E le hore u se ke oa ithuta mekhoa ea haeEaba u ichehela leraba.+
26 U se ke oa ba har’a ba tšoaranang ka matsoho ho etsa tumellano,Ba itlamelang ho patala likoloto tsa batho ba bang.+
27 Haeba u se na letho leo u ka lefang ka lona,Ba tla nka bethe ea hao u ntse u robetse ho eona.
28 U se ke oa chechisa moeli oa khale,Oo baholo-holo ba hao ba o sehileng.+
29 Na u ee u bone motho ea tsebang mosebetsi oa hae?
O tla ema ka pel’a marena,+A ke ke a ema ka pel’a batho feela.
Linaletsana
^ Kapa: “lebitso le letle.” Ka Seheberu: “lebitso.”
^ Ka Seheberu: “baa kopana.”
^ Kapa: “boiphihlelo.”
^ Kapa: “ba fumana kotlo.”
^ Kapa: “moshanyana; mocha.”
^ Ka Seheberu: “Ea leihlo le letle.”
^ Kapa: “Linyeoe.”
^ Ka Seheberu: “basele.” Sheba Liprov. 2:16.
^ Kapa: “moshanyana; mocha.”
^ Ka Seheberu: “keiting ea motse.”
