Liproverbia 24:1-34
24 U se ke oa khalla batho ba khopo,U se ke oa batla ho ba har’a bona.+
2 Lipelo tsa bona li thuisa ka ntoaLe melomo ea bona e bua ka liketso tse khopo.
3 Ntlo e* hahoa ka bohlale,+E tsitsisoa ka temoho.
4 Ka tsebo likamore tsa eona li tla tlalaMatlotlo a bohlokoa le a khahlehang.+
5 Motho ea bohlale o matla+’Me ka tsebo motho o eketsa matla a hae.
6 Ka tataiso e bohlale u tla loana ntoa ea hao,+Ka baeletsi ba bangata u tla hlola.*+
7 Leoatla ha le khone ho fumana bohlale ba ’nete,+Ha ho letho leo le ka le buang keiting ea motse.
8 Mang kapa mang ea rerang bokhopoHo tla thoe ke molotsana.+
9 Merero ea motho ea se nang kelello* e lebisa sebengHape batho ba nyatsa mosomi.+
10 Ha u nyahama nakong ea mathata,*U tla felloa ke matla.
11 Lopolla ba isoang lefung,U thibe ba thekesellang polaong.+
12 Haeba u re: “Empa re ne re sa tsebe,”Na Ea hlahlobang lipelo a ke ke a lemoha menahano ea hao?+
Ea u shebileng ka hloko o tla tseba,O tla buseletsa motho e mong le e mong ho ea ka mesebetsi ea hae.+
13 Mora oa ka, u je mahe a linotši hobane a monate.
Mahe a linotši a tsoang khekheng a monate ho motho ea a latsoang.
14 Ka tsela e tšoanang, tseba hore bohlale bo molemo bakeng sa hao.+
Haeba u bo fumana, u tla ba le bokamoso.
Tšepo ea hao e ke ke ea fela.+
15 U se ke oa lalla ntlo ea motho ea lokileng joalokaha motho ea khopo a etsa.
U se ke oa senya sebaka seo a lulang ho sona
16 Hobane leha ea lokileng a ka oa ka makhetlo a supileng, o tla ema+Empa ba khopo ba tla hlaheloa ke tlokotsi ’me ba khoptjoe.+
17 Ha sera sa hao se oa, u se ke oa thaba,Ha se khoptjoa, pelo ea hao e se ke ea nyakalla,+
18 Haeba u etsa joalo, Jehova o tla bona ’me a ke ke a thaba.
O tla khaotsa ho halefela sera sa hao.+
19 U se ke oa halefisoa ke* batho ba khopo.
U se ke oa ba khalla
20 Hobane mang kapa mang ea khopo ha a na bokamoso+Le lebone la batho ba khopo le tla tingoa.+
21 Mora oa ka, u tšabe Jehova le morena+’Me u se ke oa tloaelana le marabele.*+
22 A tla hlaheloa ke koluoa ka tšohanyetso.+
Ke mang ea tsebang tlokotsi eo ba* tla e tlisetsa marabele ao?+
23 Lipolelo tsena ke tsa ba bohlale:
Ha se ntho e ntle ho ahlola ka leeme.+
24 Mang kapa mang ea reng ho ea khopo: “U lokile,”+Batho ba tla mo rohaka, lichaba li mo nyatse.
25 Empa ba mo khalemelang,+ lintho li tla ba tsamaela hantle,Ba tla fumana litlhohonolofatso.+
26 Batho ba tla suna motho ea buang ’nete ha a araba.*+
27 Lokisa mosebetsi oa hao oa ka ntle ’me u hlophe lintho kaofela tšimong.
Ebe u haha lelapa la hao.*
28 U se ke oa ba paki khahlanong le moahisani oa hao ntle ho mabaka.+
U se ke oa qhekella batho ba bang ka lipuo tsa hao.*+
29 U se ke oa re: “Ke tla mo etsa feela joalokaha a nkentse.
Ke tla mo etsa ntho eo a nkentseng eona.”*+
30 Ke ile ka feta haufi le tšimo ea motho ea botsoa,+Haufi le serapa sa morara sa motho ea hlokang kelello.*
31 Ka bona e tletse litlama-tlama.
Jarete e ne e tletse bobatsi,Lerako la eona la majoe le oele.+
32 Ha ke ntse ke shebile, ka nahana ka thata ka taba ena,Ka bona eaba ke ithuta thuto ena:*
33 Ha u ka robala hanyenyane, oa re shoa! hanyenyane,Oa phutha matsoho hanyenyane hore u phomole,
34 Bofutsana bo tla u fihlela joaloka lesholuLe bohloki bo u tlele joaloka monna ea hlometseng.+
Linaletsana
^ Kapa: “Lelapa le.”
^ Kapa: “atleha; pholoha.”
^ Kapa: “Merero e se nang kelello.”
^ Kapa: “letsatsing la mahlomola.”
^ Kapa: “U se ke oa iponahatsa u halefetse.”
^ Kapa: “ba batlang phetoho.”
^ E leng Jehova le morena.
^ Kapa mohlomong: “Ho araba ka tsela e tobileng ho tšoana le ho suna motho.”
^ Kapa: “ntlo ea hao.”
^ Ka Seheberu: “molomo oa hao.”
^ Kapa: “Ke tla iphetetsa.”
^ Ka Seheberu: “eo pelo ea hae e haelloang.”
^ Ka Seheberu: “ka amohela taeo.”
