Sefela sa Lifela 4:1-16
4 “U motle, moratuoa oa ka.
U motle haholo.
Mahlo a hao ekare a maeba ka har’a lesira la hao.
Moriri oa hao o joaloka mohlape oa lipoliTse theohang lithabeng tsa Gileade.+
2 Meno a hao a joaloka mohlape oa linku li qeta ho kutoa,Li nyoloha moo li tsoa hlatsuoa teng,Tseo kaofela ha tsona li tsoalang mafahla,Ho se e shoetsoeng ke likonyana.
3 Molomo oa hao o joaloka khoele e khubelu’Me lipuo tsa hao li monate.
Marama* a hao ka har’a lesiraA joaloka kharenate e arotsoeng.
4 Molala oa hao+ o joaloka tora ea Davida,+E hahiloeng ka makhethe ka majoe,Eo ho eona ho fanyehoang lithebe tse sekete,Lithebe tsohle tse chitja tsa banna ba matla.+
5 Matsoele a hao a joaloka malinyane a mabeli,Mafahla a tšephe,+A fulang har’a mehalalitoe.”
6 “Pele ho phola* le meriti e baleha,Ke tla ea thabeng ea miraLe leralleng la libano tse tšoeu.”+
7 “U motle kahohle-hohle, lerato la ka+’Me ha u na sekoli.
8 A re tsamaee re tlohe Lebanone, monyaluoa oa ka,A re tsamaee re tlohe Lebanone.+
Theoha tlhorong ea thaba ea Amana,*Tlhorong ea thaba ea Senire e leng thaba ea Hermone,+Lilaong tsa litau, lithabeng tseo mangau a phelang ho tsona.
9 U hapile pelo ea ka,+ uena moratuoa oa ka, monyaluoa oa ka,U hapile pelo ea ka, ka ho ncheba hanngoe feela,Ka mokhabiso o le mong oa sefaha sa hao.
10 Lerato la hao le monate hakaakang,+ uena moratuoa oa ka, monyaluoa oa ka.
Lerato la hao le monate haholo ho feta veine,+Le monko oa lioli tsa hao o monate ho feta mefuta eohle ea linoko.+
11 Molomo oa hao o rotha mahe a linotši, uena monyaluoa oa ka.+
Mahe a linotši le lebese li tlas’a leleme la hao+’Me monko o monate oa liaparo tsa hao o joaloka monko o monate oa Lebanone.
12 Moratuoa oa ka, monyaluoa oa ka, u joaloka serapa se kampetsoeng,Serapa se kampetsoeng, seliba se koahetsoeng.
13 U tšoana le* serapa sa lifate tseo makala a tsona a tletseng likharenate,Se nang le litholoana tse monate tsa mefuta-futa le limela tsa hena hammoho le limela tsa nareda,
14 Nareda+ le palesa ea safrone, lehlaka*+ le sinamone,+Le lifate tsa mefuta eohle ea libano tse tšoeu, mira le makhala+Hammoho le lioli tsohle tse nkhang hamonate tsa boleng bo botle ka ho fetisisa.+
15 U seliba sa serapa, seliba sa metsi a hloekileng,Melapo e phallang e tsoang Lebanone.+
16 Tsoha, moea oa leboea,Kena, moea oa boroa.
Foka hamonate holim’a serapa sa ka.
Monko oa sona o tlale hohle.”“Ke lakatsa eka moratuoa oa ka a ka tla serapeng sa hae,A je litholoana tsa sona tse monate ka ho fetisisa.”
Linaletsana
^ Kapa: “Litlhafunelo.”
^ Ka Seheberu: “letsatsi le phola.”
^ Kapa: “Thaba e shebaneng le Lebanone.”
^ Kapa mohlomong: “Letlalo la hao ke.”
^ Lehlaka le nkhang hamonate.
