Zakaria 9:1-17
9 Phatlalatso e tsoang ho Molimo:
“Ona ke molaetsa oa Jehova o ahlolang naha ea HadrakeHape o lebisitsoe ho Damaseka+Hobane Jehova o sheba batho bohle+Le meloko eohle ea Iseraele
2 ebile o ahlola le naha e haufi ea Hamathe+ hammohoLe Tire+ le Sidone+ hobane li bohlale haholo.+
3 Tire e ikahetse lerako* hore e itšireletse.
E bokeletse silevera joaloka leroleLe khauta joalo ka matlakala a literateng.+
4 Jehova o tla e nkela thepa ea eona,O tla lahlela masole a eona leoatleng+’Me e tla chesoa ke mollo.+
5 Ashkelone e tla bona seo ’me e tšohe.
Gaza e tla utloa bohloko haholo,Ekrone le eona e tla utloa bohloko hobane seo e se tšepileng se hlabisitsoe lihlong.
Morena o tla felisoa Gaza’Me Ashkelone e ke ke ea e-ba le baahi.+
6 Molichaba* o tla lula Ashdode.
Ke tla etsa hore Mofilista a se ke a hlola a ikhohomosa.+
7 Ke tla ntša lintho tse nang le mali molomong oa MofilistaLe lintho tse nyonyehang pakeng tsa meno a hae’Me ea salang e tla ba oa Molimo oa rona.
O tla ba joaloka moeta-pele Juda,+Ekrone a be joaloka Mojebuse.+
8 Ke tla ema* ka ntle ho ntlo ea ka+Hore ke e lebele e le hore ho se ke ha e-ba le ea kenang kapa ea tsoang.
Ha ho na mohatelli* ea tla feta moo hape+Hobane joale ke bone se etsahalang* ka mahlo a ka.
9 Thaba haholo uena morali oa Sione.
Hoeletsa u thabile hobane u hlotse uena morali oa Jerusalema.
Morena oa hao o tla ho uena.+
O lokile, o tl’o u pholosa,*O ikokobelitse+ ebile o palame tonki,O palame petsana* e leng petsana ea tonki e tšehali.+
10 Ke tla nkela Efraime kariki ea hae ea ntoa,Ke nkele Jerusalema pere ea hae.
Ho ke ke ha hlola ho e-ba le seqha sa ntoa.
Morena oa hao o tla phatlalatsa khotso lichabeng.+
O tla busa ho tloha leoatleng le leng ho ea ho le lengLe ho tloha Nokeng* ho ea likarolong tse hole tsa lefatše.+
11 Ha e le uena mosali,* ke tla ntša batšoaruoa ba hao ka sekoting se se nang metsi+Ka lebaka la mali a selekane sa hao.
12 Khutlelang sebakeng se sirelelitsoeng ka thata, lona batšoaruoa ba nang le tšepo.+
Kajeno kea u bolella Sione,‘Ke tla u fa tlhohonolofatso e imenneng habeli.+
13 Ke tla koba* Juda joaloka seqha sa ka,Ke kenye Efraime seqheng seo joalokaha eka ke motsu.
Sione, ke tla tsosa bara ba haoHore ba hlasele bara ba GreeceEbile ke tla etsa hore u be joaloka sabole ea monna ea matla.’
14 Jehova o tla bontša ka ho hlaka hore o na le batho ba hae.
Motsu oa hae o tla tsoa joalo ka lehalima.
Jehova ’Musi oa Lintho Tsohle o tla letsa lenaka+Ebile o tla tsamaea ka sefefo sa boroa.
15 Jehova oa mabotho o tla ba loanela.
Lira li tla ba hlasela ka majoe a letjeketjane empa ba tla li hlola.+
Ba tla noa, ba be lerata joalokaha eka ba noa veine.
Ba tla tlala joaloka sekotloloLe joaloka lik’hona tsa aletare.+
16 Jehova Molimo oa bona o tla ba pholosa letsatsing leoJoalokaha molisa a pholosa linku tsa hae.+
Ba tla ba joaloka majoe a bohlokoa a korone a phatsimang holim’a mobu oa hae.+
17 Molimo o molemo haholo+Le botle ba hae bo boholo.
Lijo le veine e nchaLi tla etsa hore bahlankana le baroetsana ba be matla.”+
Linaletsana
^ Kapa: “sebaka se sirelelitsoeng ka thata.”
^ Kapa: “Mora oa matšeo.”
^ Ho ka etsahala hore ho buuoa ka bohloko ba batho ba hae.
^ Kapa: “motho ea fanang ka mosebetsi.”
^ Kapa: “hloma tente.”
^ Kapa: “o hlotse.”
^ Kapa: “tonki e tona.”
^ E leng ea Eufrate.
^ E leng Sione kapa Jerusalema.
^ Ka Seheberu: “hatakela.”
