HOBANE’NG HO LE BOHLOKOA?: Jehova Morupeli oa rona e Moholo, o re fa thuto ea boleng bo phahameng ka ho fetisisa. O re ruta kamoo re ka phelang ka tsela e ka re tsoelang molemo kateng, le ho re fa koetliso e tla re thusa ho phela lefatšeng le lecha. O re fa thuto le koetliso tsena mahala. (Esa 11:​6-9; 30:​20, 21; Tše 22:​17) Thupelo ena eo Jehova a re fang eona e boetse e re hlomella hore re bolelle ba bang litaba tse molemo, e le hore ba tle ba fumane bophelo bo sa feleng.​—2Ko 3:5.

KAMOO RE KA HO ETSANG KATENG:

• Hlaolela makhabane a kang bonolo le boikokobetso.​—Pes 25:​8, 9

• Amohela koetliso eo u khonang ho e fumana hona joale, e kang ho amohela likabelo tsa liithuti sebokeng sa har’a beke.

• Nahana ka litsela tse ling tseo u ka sebeletsang Jehova haholoanyane ka tsona, u be u etse lintho ka tsela e tla u lumella ho finyella morero oa hao.​—Fil 3:13

• Sebeletsa hore u tšoanelehe ho fumana koetliso e eketsehileng.​—Fil 3:8

SHEBELLANG VIDEO EA HO BA LE TUMELO E MATLA KA LEBAKA LA HO RUTOA KE JEHOVA. EBE LE ARABA LIPOTSO TSE LATELANG:

• Bara le barali babo rona ba bang ba ile ba tlameha ho hlola mathata afe e le hore ba ka ea Sekolong sa Baevangeli ba ’Muso?

• Sekolo sa Baevangeli ba ’Muso se fana ka koetliso efe?

• Bara le barali babo rona ba ile ba tšehetsa ba tsoang sekolong see joang?

• Ho hlokahala’ng bakeng sa ba batlang ho ea Sekolong sa Baevangeli ba ’Muso? (kr 189)

• U ka boela oa fumana koetliso efe e ’ngoe ka mokhatlong oa Jehova?