Jehova o batla re mo sebeletse hobane re mo rata. (Mat 22:37, 38) Haeba batho bao re ithutang Bibele le bona ba rata Jehova, seo se tla etsa hore ho be bonolo hore ba etse liphetoho tse hlokahalang le ho mamella ha ba tobana le liteko. (1Jo 5:3) Lerato la bona ho Jehova le tla ba susumelletsa hore ba kolobetsoe.

Thusa batho bao u ithutang Bibele le bona hore ba bone hore Jehova oa ba rata. Ba botse lipotso tse kang: “See se u ruta’ng ka Jehova?” kapa “Taba ee e bontša joang hore Molimo oa u rata?” Ba thuse hore ba hlokomele kamoo Jehova a ba thusang kateng. (2Likr 16:9) Ba bolelle kamoo Jehova a ileng a arabela lithapelo tsa hao kateng ’me u ba thuse ho hlokomela kamoo Jehova a arabelang lithapelo tsa bona. Re thaba haholo ha re bona batho bao re ithutang Bibele le bona ba hlokomela hore Jehova oa ba rata ebile ba bontša hore le bona baa mo rata le hore ba batla ho ba metsoalle ea hae.

SHEBELLANG VIDEO EA THUSA MOTHO EO U ITHUTANG BIBELE LE EENA HORE A BE LE KAMANO E NTLE LE JEHOVA EBE LE ARABA LIPOTSO TSE LATELANG:

• Lipontšo o ne a e-na le bothata bofe?

• Nteboheleng o ile a thusa Lipontšo joang?

• Lipontšo o ile a hlola bothata ba hae joang?