Bibele e Re’ng?
Ho etsahala’ng ka rōna ha re e-shoa?
BATHO BA BANG BA LUMELA hore re tsoela pele re phela ka sebōpeho se seng, athe ba bang ba re ha motho a e-shoa ho felile ka eena. Uena u re’ng?
SEO BIBELE E SE BUANG
“Ba shoeleng, ho hang ha ba tsebe letho.” (Moeklesia 9:5) Ha re e-shoa, re khaotsa ho ba teng.
SEO RE ITHUTA SONA HAPE BIBELENG
Ke hore motho oa pele, e leng Adama, o ile a khutlela lerōleng ha a e-shoa. (Genese 2:7; 3:19) Ka ho tšoanang, batho bohle ba shoang ba khutlela lerōleng.—Moeklesia 3:19, 20.
Ke hore ha motho a e-shoa o hlakoleloa molato oa libe tsa hae kapa oa tšoareloa. (Baroma 6:7) Ha a sa ahloleloa libe ka mor’a hore a shoe.
Na bafu ba ka boela ba phela?
UENA U RE’NG?
E
Che
Mohlomong
SEO BIBELE E SE BUANG
“Ho tla ba le tsoho.”—Liketso 24:15.
RE KA BOELA RA ITHUTA ENG BIBELENG?
Hangata Bibele e tšoantša lefu le boroko. (Johanne 11:11-14) Molimo a ka khona ho tsosa bafu, feela joalokaha re khona ho tsosa motho ha a robetse.—Jobo 14:13-15.
Bibele e bua ka batho ba ’maloa ba ileng ba tsosoa bafung, kahoo e re fa lebaka le utloahalang la ho lumela hore bafu ba tla tsosoa.—1 Marena 17:17-24; Luka 7:11-17; Johanne 11:39-44.
Mohlomong u ka Rata le
TSOHA!
Bibele e Re’ng ka Lefu?
Ho etsahala’ng ka rōna ha re e-shoa? Na ho na le tšepo ea hore re tla ke re bone baratuoa ba rōna ba shoeleng? Fumana likarabo tse khothatsang tsa Bibele mabapi le lefu.
LIPOTSO TSA BIBELE LIA ARAJOA
Tsoho ea Bafu Ke’ng?
U ka ’na ua makatsoa ke hore na ho tla tsosoa batho ba joang.
