Bala Jeremia 38:​1-13 e le hore u ka bona hore na mohlala oa moprofeta Jeremia le oa Ebede-meleke oa leqhalaha u ka u thusa joang hore u bontše sebete.

Ithute haholoanyane ka lintlha tse potolohileng taba. Ke hobane’ng ha Jeremia a ne a hloka sebete e le hore a bolele molaetsa o tsoang ho Jehova? (Jer. 27:​12-14; 28:​15-17; 37:​6-10) Batho ba ile ba etsa’ng ha ba utloa litaba tseo Jeremia a ba bolelletseng tsona?—Jer. 37:​15, 16.

Etsa lipatlisiso. Batho ba ne ba lebelletse hore Jeremia a etse eng? (jr 26-27 ¶20-22) Batla hore na liliba tsa mehleng ea Bibele li ne li le joang le hore na li ne li sebelisetsoa eng. (it-1-E 471) U nahana hore Jeremia o ne a ikutloa joang ha a ntse a le ka har’a seliba se liretse? E ka ’na eaba Ebede-meleke o ne a tšaba eng?—w12 5/1 31 ¶2-3.

Nahana ka lintho tseo u ithutileng tsona. Ipotse:

• ‘Tlaleho ee e nthuta’ng ka tsela eo Jehova a tšoarang batho ba mo tšepahallang ka eona?’ (Pes. 97:10; Jer. 39:​15-18)

• ‘Ke maemong afe moo nka lokelang ho bontša sebete?’

• ‘Nka etsa’ng hore ke be sebete haholo e le hore ke etse lintho tse nepahetseng ha ke le tlas’a khatello?’(w11 3/1 30) a