Ke Hobane’ng ha e le Habohlokoa Hore re Tsebe Hore na ho na le ’Mopi?
Ke hobane’ng ha e le habohlokoa ho tseba hore ho na le ’Mopi? Haeba ho na le bopaki bo u kholisang hore Molimo ea matla ’ohle o teng, u lokela ho hlahloba bopaki bo bong bo bontšang hore Bibele e ngotsoe ka tšusumetso ea moea oa Molimo. Kahoo, haeba u tšepa seo Bibele e se buang, e tla u tsoela molemo ka litsela tsena tse latelang.
U tla thabela bophelo haholoanyane
BIBELE E RE: “[Molimo] o ile a etsa se molemo, a le fa lipula tse tsoang leholimong le linako tse behang, a tlatsa lipelo tsa lona ka ho phethahetseng ka lijo le ho hlasimoloha ho molemo.”—Liketso 14:17.
TEMANA EE E BOLELA’NG?: Popo ke mpho e tsoang ho ’Mopi. U tla ananela mpho ena haholo le ho feta ha u hlokomela hore Mofani oa eona oa u tsotella.
Fumana keletso e molemo e ka u thusang hona joale
BIBELE E RE: “U tla utloisisa ho loka le kahlolo le bokhabane, tsela eohle ea se molemo.”—Liproverbia 2:9.
TEMANA EE E BOLELA’NG?: Kaha ke ’Mopi oa hao, Molimo o tseba seo u se hlokang e le hore u thabe. Ha u bala Bibele u ka ithuta lintho tse ngata tse tla u thusa bophelong ba hao.
Fumana likarabo tsa lipotso tsa hao
BIBELE E RE: “U tla fumana tsebo ea Molimo.”—Liproverbia 2:5.
TEMANA EE E BOLELA’NG?: Ho tseba hore ’Mopi o teng ho ka u thusa hore u fumane likarabo tsa lipotso tsa bohlokoa tse kang: Morero oa bophelo ke ofe? Ke hobane’ng ha mathata a le mangata hakaale? Ho etsahala’ng ka rona ha re e-shoa? U ka fumana likarabo tse khotsofatsang ka Bibeleng.
E-ba le tšepo ka bokamoso
BIBELE E RE: “‘Etsoe ke tseba hantle menahano eo ke e nahanang ka lona,’ ho bolela Jehova, ‘menahano ea khotso e seng ea tlokotsi, ho le fa bokamoso le tšepo.’”—Jeremia 29:11.
TEMANA EE E BOLELA’NG?: Molimo o tšepisa hore nakong e tlang o tl’o felisa bokhopo, mathata le lefu. Ha u na le tšepo litšepisong tsa Molimo, seo se tla u thusa hore u sebetsane le mathata a hao a letsatsi ka leng ka sebete.
Mohlomong u ka Rata le
TSOHA!
Tseba Hore na U Phelela’ng
Ho fumana likarabo tse khotsofatsang tsa lipotso tsa bohlokoa tseo re ipotsang tsona ka bophelo ho tla re thusa hore re thabe.
TSOHA!
Bibele e Re’ng ka Pōpo?
Bibele e hlalosa “matsatsi” a tšeletseng ao ka ’ona Molimo a ileng a bōpa lintho tse phelang. Na aa e ne e le matsatsi a lihora tse 24?
