“Na Batho ba Tla Senya Lefatše Lee?”

● Lefatše le shebahala joaloka lehakoe le letle le tsoakileng bosoeu le boputsoa ha motho a le sheba a le sepakapakeng. Empa ha le shebeloa haufinyane, hoa bonahala hore lehae lena la rōna le kotsing. Hobane’ng? Karabo e bonolo: Batho ba hlōlehile ho le hlokomela. Ho phaella moo, ha ba senye lefatše feela ka tsela e tobileng e kang ea ho baka tšilafalo, ho rema meru le ho sebelisa mehloli ea lona hampe, empa ba boetse ba le senya ka boitšoaro bo bobe ba ho se tsotelle Molimo, bo kang liketso tse mabifi, ho tšolla mali le boitšoaro bo litšila ba ho kopanela liphate.

Boemo bona bo utloisang bohloko, bo ile ba boleloa esale pele boprofeteng bo hlollang bo tlalehiloeng ka Bibeleng, lilemong tse ka bang likete tse peli tse fetileng. (2 Timothea 3:1-5; Tšenolo 11:18) Hape Bibele e ile ea bolela esale pele hore Molimo ke eena ea tla lokisa boemo boo ka ho feletseng, eseng motho leha e le ofe. Lintlha tsena tsa bohlokoa li tla tšohloa puong ea phatlalatsa eo sehlooho sa eona se reng, “Na Batho ba Tla Senya Lefatše Lee?” Puo ena e tla fanoa Likopanong Tsa Setereke Tsa Lipaki Tsa Jehova tsa “’Muso oa Molimo o ke o Tle!” tse tla tšoaroa lefatšeng ka bophara, ’me li tla qala ka September Afrika Boroa.

U mengoa ka mofuthu hore u be teng kopanong e tla tšoareloa sebakeng se haufi le uena. E le hore u fumane lintlha ka botlalo, ikopanye le Lipaki Tsa Jehova sebakeng sa heno kapa u ngolle bahatisi ba makasine ena. Libaka tseo likopano tsena li tla tšoareloa ho tsona lefatšeng ka bophara li hlaha Websaeteng ea www.dan124.com.