SEHLOOHO SE KA NTLE | LIPAKI TSA JEHOVA KE BO-MANG?
Lipaki Tsa Jehova li Lumela’ng?
Lipaki Tsa Jehova li lumela hore “Lengolo lohle le bululetsoe ke Molimo ’me le molemo.” (2 Timothea 3:16) Ka Bibeleng re ithuta ka ’Mōpi le kamoo re ka phelang ka tsela e khotsofatsang.
Bibele e re: “E le hore batho ba ka tseba hore uena, eo lebitso la hao e leng Jehova, uena u le mong u Ea Phahameng ka ho Fetisisa holim’a lefatše lohle.” (Pesaleme ea 83:18) Kahoo, re rapela Jehova Molimo feela ebile kaha re Lipaki tsa hae, re ikitlaelletsa ho tsebahatsa lebitso la hae.—Esaia 43:10-12.
Joaloka Bakreste, re lumela hore Jesu e leng “Mora oa Molimo,” * o ile a tla lefatšeng ’me ea e-ba Mesia. (Johanne 1:34, 41; 4:25, 26) Ha a e-shoa, o ile a tsosetsoa leholimong. (1 Bakorinthe 15:3, 4) Hamorao e ile ea e-ba Morena oa ’Muso oa Molimo. (Tšenolo 11:15) ’Muso oo ke oa sebele ’me o tla etsa hore lefatše e boele e be Paradeise. (Daniele 2:44) Bibele e re: “Ba bonolo ba tla rua lefatše, ka sebele ba tla fumana thabo e phethehileng khotsong e ngata.”—Pesaleme ea 37:11, 29.
“Ha Lipaki li bala Bibele, li lumela hore Molimo o bua le tsona. Ha li hlaheloa ke mathata, li batla tharollo ka Lentsoeng la Molimo. . . . Li nka hore Lentsoe la Molimo lea phela.”—Moruti Benjamin Cherayath oa K’hatholike, koranta ea Münsterländische Volkszeitung, Jeremane
Lipaki Tsa Jehova li lumela hore melao-motheo ea Bibele e ka tsoela batho molemo esita le kajeno. (Esaia 48:17, 18) Kahoo, re e mamela ka ho feletseng. Ka mohlala, ha re tsube ebile ha re sebelise lithethefatsi kaha Bibele e re re qobe lintho tse ka silafatsang ’mele ea rōna le likelello. (2 Bakorinthe 7:1) Hape re qoba liketso tseo Bibele e li nyatsang tse kang botahoa, bohlola le ho utsoa.—1 Bakorinthe 6:9-11.
^ ser. 5 Bibele e boetse e re Jesu ke “Mora ea tsoetsoeng a ’notši oa Molimo” hobane ke eena oa pele eo Jehova a ileng a mo bōpa.—Johanne 3:18; Bakolose 1:13-15.
Mohlomong u ka Rata le
LIPOTSO TSE BOTSOANG HANGATA
Na Lipaki Tsa Jehova li Lumela Hore Bolumeli ba Tsona ke Bona Feela ba ’Nete?
Na Jesu o itse ho na le litsela tse ngata tse lebisang polokong?
ESSENTIAL BIBLE TEACHINGS
Na Molimo o na le Lebitso?
Molimo o na le litlotla tse ngata, tse kang Ea Matla ’Ohle, ’Mōpi le Morena. Empa lebitso la Molimo le hlaha ka makhetlo a ka bang 7 000 ka Bibeleng.
