”Baheula di sakola, lamun aya babaturan nu geus ngalakukeun hubungan séks, nu séjén ngarasa kudu ngalakukeun ogé supaya teu dianggap béda sorangan ti batur.”—Elaine, 21.

 Na anjeun pernah digoda pikeun ngalakukeun hubungan séks ngan pédah batur geus pernah ngalakukeun hal éta?

 Na kabogoh anjeun pernah maksa anjeun ngalakukeun hubungan séks jeung manéhna?

 Mun pernah, artikel ieu bisa ngabantu anjeun nolak godaan ti babaturan atawa ti diri sorangan supaya anjeun bisa nyieun putusan nu bener.

•  Mitos jeung fakta

•  Cara nolak godaan pikeun ngalakukeun hubungan séks

•  Ceuk budak ngora séjénna

 MITOS: Kabéh mah geus pernah ngalakukeun hubungan séks, abdi hungkul nu acan.

 FAKTA: Dina hiji survéi, dua ti tilu budak ngora di Indonesia ngaku geus pernah ngalakukeun hubungan séks. Éta hartina, teu ”kabéh” pernah ngalakukeun. Aya tilu puluh persén budak ngora di Indonesia nu can pernah ngalakukeun hubungan séks.

 MITOS: Séks bisa nyieun hubungan leuwih raket.

 FAKTA: Mémang aya lalaki nu ngomong kitu supaya kabogohna daék ngalakukeun hubungan séks. Tapi, biasana lalakina bakal mutuskeun kabogohna sanggeus ngalakukeun hubungan séks. Akibatna, awéwéna bakal nyeri haté jeung keuheul lantaran nyangka mun lalakina bener-bener nyaah jeung moal ninggalkeun. a

 MITOS: Kitab Suci ngalarang hubungan séks.

 FAKTA: Kitab Suci méré nyaho pandangan nu bener ngeunaan séks, éta ngan bisa dilakukeun ku lalaki jeung awéwé nu geus nikah.—Kajadian 1:28; 1 Korinta 7:3.

 MITOS: Nuturkeun prinsip Kitab Suci téh nyieun hirup nalangsa.

 FAKTA: Loba nu ngarasa hariwang, kaduhung, jeung sieun lantaran ngalakukeun hubungan séks saacan nikah. Tapi lamun ngalakukeun hubungan séks sanggeus nikah, anjeun moal ngarasa kitu, malah bakal leuwih bagja.

 Palajaran penting: Moal aya nu kanyenyeri lamun anjeun ngalakukeun séks sanggeus nikah. Tapi lamun éta dilakukeun saacan nikah, anjeun bakal nganyenyeri batur.

•   Kuatkeun tékad anjeun pikeun ngalakukeun nu bener. Kitab Suci nyebutkeun, jalma déwasa mah ”boga pangalaman bisa ngabedakeun mana nu hade mana nu jahat”. (Ibrani 5:14) Mun boga tékad nu kuat pikeun ngalakukeun bener, anjeun moal gampang kagoda ku babaturan.

   ”Abdi sabisa-bisa ngalakukeun nu hadé supaya dikenal jalma nu bener sarta nyingkahan kaayaan nu bisa nyieun abdi kagoda ngalakukeun hal goréng.”—Alicia, 16.

   Pikeun dipikirkeun: Anjeun hayang dikenal sabagé jalma nu siga kumaha? Anjeun daék ngalakukeun nu goréng ngan supaya bisa ditarima ku batur?

•   Pikirkeun akibatna. Kitab Suci nyebutkeun, ”Naon anu ku urang dipelakan, eta nu kaala hasilna.” (Galata 6:7) Pikirkeun pangaruhna keur kahirupan anjeun jeung batur engkéna mun anjeun kagoda pikeun ngalakukeun hubungan séks. b

   ”Mun ngalakukeun séks saacan nikah, urang bakal kaduhung, ngarasa teu dipikanyaah, hamil di luar nikah, bisa ogé katépaan panyakit ti hubungan séksual.”—Sienna, 16.

   Pikeun dipikirkeun: Aya pananya di buku Sex Smart, ”Lamun babaturan anjeun maksa ngalakukeun hal nu goréng, na manéhna téh babaturan nu hadé jeung bener-bener paduli kana hirup anjeun?”

•   Boga pandangan nu saimbang. Séks téh lain hal nu dilarang. Malah, ceuk Kitab Suci mah séks téh berkah keur salaki pamajikan nu geus nikah.—Siloka 5:18, 19.

   ”Hubungan séks téh hadiah ti Allah. Tapi Allah méré hadiah ieu téh keur nu geus nikah.” —Jeremy, 17.

   Pikeun dipikirkeun: Lamun engké anjeun nikah, anjeun bisa ngalakukeun hubungan séks jeung batur hirup. Anjeun gé moal ngarasa sieun atawa kaduhung sanggeus ngalakukeun hubungan séks jeung batur hirup.