Bilangan 33:1-56
33 Ieu perjalanan urang Israél waktu maranéhna budal ti Mesir nurutkeun kelompokna.* Maranéhna dipingpin ku Musa jeung Harun.
2 Sakumaha paréntah Yéhuwa, Musa nyatet di tempat mana waé urang Israél eureun. Ieu perjalanan maranéhna ti hiji tempat ka tempat séjén:
3 Dina poé ka-15 bulan kahiji, maranéhna arindit ti Ramésés. Sanggeus Paskah, poé isukna pisan, urang Israél nu geus unggul téh budal ti Mesir, disaksian ku sakabéh urang Mesir.
4 Harita, urang Mesir keur nguburkeun anak-anak cikalna nu dipaéhan ku Yéhuwa, sabab Yéhuwa geus ngahakiman jeung ngahukum sakabéh déwa maranéhna.
5 Urang Israél arindit ti Ramésés tuluy masang kémah di Sukot.
6 Geus kitu, maranéhna arindit ti Sukot tuluy masang kémah di Étham, di sisi tanah gurun.
7 Ti dinya, maranéhna arindit ti Étham tuluy muter balik ka Pihahirot, nu aya di hareupeun Baal-zéfon. Maranéhna masang kémah hareupeun Migdol.
8 Sanggeus kitu, maranéhna arindit ti Pihahirot tuluy meuntasan laut, ngajugjug ka tanah gurun. Maranéhna leumpang salila tilu poé di Tanah Gurun Étham tuluy masang kémah di Marah.
9 Ti Marah, maranéhna arindit ka Élim. Di Élim téh aya 12 cinyusu jeung 70 tangkal palem, jadi maranéhna masang kémah di dinya.
10 Geus kitu, maranéhna arindit ti Élim tuluy masang kémah di deukeut Laut Beureum.
11 Maranéhna arindit ti Laut Beureum tuluy masang kémah di Tanah Gurun Sin.
12 Saterusna, maranéhna arindit ti Tanah Gurun Sin tuluy masang kémah di Dofka.
13 Sanggeus éta, maranéhna arindit ti Dofka tuluy masang kémah di Alus.
14 Ti dinya, maranéhna arindit ti Alus tuluy masang kémah di Réfidim. Di dinya téh euweuh cai keur nginum.
15 Geus kitu, maranéhna arindit ti Réfidim tuluy masang kémah di Tanah Gurun Sinai.
16 Sanggeus éta, maranéhna arindit ti Tanah Gurun Sinai tuluy masang kémah di Kibrot-hataawa.
17 Saterusna, maranéhna arindit ti Kibrot-hataawa tuluy masang kémah di Hazérot.
18 Ti dinya, maranéhna arindit ti Hazérot tuluy masang kémah di Ritma.
19 Geus kitu, maranéhna arindit ti Ritma tuluy masang kémah di Rimon-péréz.
20 Maranéhna arindit ti Rimon-péréz tuluy masang kémah di Libna.
21 Terus, maranéhna arindit ti Libna tuluy masang kémah di Risa.
22 Sanggeus éta, maranéhna arindit ti Risa tuluy masang kémah di Kéhélata.
23 Saterusna, maranéhna arindit ti Kéhélata tuluy masang kémah di Gunung Syéfér.
24 Geus kitu, maranéhna arindit ti Gunung Syéfér tuluy masang kémah di Harada.
25 Terus, maranéhna arindit ti Harada tuluy masang kémah di Makhélot.
26 Saterusna, maranéhna arindit ti Makhélot tuluy masang kémah di Tahat.
27 Sanggeus éta, maranéhna arindit ti Tahat tuluy masang kémah di Térah.
28 Ti dinya, maranéhna arindit ti Térah tuluy masang kémah di Mitka.
29 Geus kitu, maranéhna arindit ti Mitka tuluy masang kémah di Hasmona.
30 Terus, maranéhna arindit ti Hasmona tuluy masang kémah di Mosérot.
31 Saterusna, maranéhna arindit ti Mosérot tuluy masang kémah di Béné-yaakan.
32 Sanggeus éta, maranéhna arindit ti Béné-yaakan tuluy masang kémah di Hor-hagidgad.
33 Geus kitu, maranéhna arindit ti Hor-hagidgad tuluy masang kémah di Yotbata.
34 Ti dinya, maranéhna arindit ti Yotbata tuluy masang kémah di Abrona.
35 Terus, maranéhna arindit ti Abrona tuluy masang kémah di Ézion-gébér.
36 Saterusna, maranéhna arindit ti Ézion-gébér tuluy masang kémah di Tanah Gurun Zin, nyaéta Kadés.
37 Geus kitu, maranéhna arindit ti Kadés tuluy masang kémah di Gunung Hor, di wates tanah Édom.
38 Imam Harun naék ka Gunung Hor sakumaha paréntah Yéhuwa. Manéhna maot di dinya, dina taun ka-40 sanggeus urang Israél budal ti Mesir, nyaéta dina poé kahiji bulan kalima.
39 Waktu maot di Gunung Hor, umur Harun téh 123 taun.
40 Harita raja nagri Arad, urang Kanaan nu cicing di Négéb di tanah Kanaan, ngadéngé urang Israél datang.
41 Sababaraha waktu ti dinya, urang Israél arindit ti Gunung Hor tuluy masang kémah di Zalmona.
42 Geus kitu, maranéhna arindit ti Zalmona tuluy masang kémah di Punon.
43 Terus, maranéhna arindit ti Punon tuluy masang kémah di Obot.
44 Sanggeus éta, maranéhna arindit ti Obot tuluy masang kémah di Iyé-abarim di wates Moab.
45 Saterusna, maranéhna arindit ti Iyim tuluy masang kémah di Dibon-gad.
46 Ti dinya, maranéhna arindit ti Dibon-gad tuluy masang kémah di Almon-diblataim.
47 Maranéhna arindit ti Almon-diblataim tuluy masang kémah di Pagunungan Abarim, hareupeun Nébo.
48 Tungtungna, maranéhna arindit ti Pagunungan Abarim tuluy masang kémah di Gurun Keusik Moab, di sisi Walungan Yordan deukeut Yérikho.
49 Maranéhna masang kémah di sapanjang Walungan Yordan, nyaéta ti Bét-yésyimot nepi ka Abél-syitim, di Gurun Keusik Moab.
50 Di Gurun Keusik Moab, di sisi Walungan Yordan deukeut Yérikho, Yéhuwa méré paréntah kieu ka Musa,
51 ”Béjakeun kieu ka urang Israél, ’Maranéh bakal meuntasan Walungan Yordan tuluy asup ka tanah Kanaan.
52 Maranéh kudu ngusir sakabéh penduduk di éta tanah. Maranéh gé kudu ngancurkeun sakabéh batu ukiran jeung sakabéh patung logam maranéhna. Sakabéh tempat pamujaan maranéhna kudu diancurkeun.
53 Maranéh bakal ngarebut éta tanah sarta matuh di dinya, sabab Kuring pasti mikeun éta tanah ka maranéh.
54 Éta tanah kudu dibagi-bagi jadi milik kulawarga-kulawarga maranéh ku cara diundi. Keur kelompok nu leuwih gedé, tambahan warisanana. Keur kelompok nu leuwih leutik, kurangan warisanana. Warisan unggal jalma ditangtukeun ku hasil undi. Maranéh bakal meunang tanah warisan nurutkeun kaom maranéh.
55 ”’Lamun maranéh teu ngusir penduduk di éta tanah, maranéhna bakal jadi kawas cucuk dina panon maranéh sarta cucuk dina beuteung maranéh. Maranéhna bakal ngaganggu maranéh di nagri nu bakal dicicingan ku maranéh.
56 Tuluy, Kuring bakal ngahukum maranéh sakumaha Kuring bakal ngahukum maranéhna.’”
Catetan Tambihan
^ As. ”pasukanna”.
