Jabur 55:1-23
Keur pamingpin musik: Pikeun diiring ku alat musik nu maké senar. Maskil.* Jabur karangan Daud.
55 Nun Allah, dangukeun doa abdi.
Waktu abdi nyuhunkeun welas asih, ulah ditampik.*
2 Perhatikeun abdi, jawab abdi.
Abdi guligah lantaran hariwang,Abdi gé bingbang
3 Lantaran omongan musuhJeung lantaran ditindes ku jalma jahat.
Maranéhna terus nambahan kasusah abdi.
Maranéhna ambek jeung ngéwa ka abdi.
4 Haté abdi meni kasiksa.
Abdi gimir ku ajal.
5 Abdi ngadégdég bakating ku sieun,Ngeleper ku gimir-gimirna.
6 Abdi teterusan ngomong, ”Coba mun abdi boga jangjang kawas japati!
Abdi rék hiber jauh néangan tempat nu aman.
7 Abdi rék kabur jauh pisan,Terus cicing di tanah gurun. (Sela)
8 Abdi rék buru-buru indit ka tempat nyalindung,Nyingkir ti angin ribut jeung topan.”
9 Kacowkeun maranéhna, nun Yéhuwa, gagalkeun rencanana,*Sabab abdi ningali kakerasan jeung karusuhan di kota.
10 Beurang peuting, maranéhna nguriling di luhureun témbok-témbok kota.
Kota pinuh ku kajahatan jeung kasusah.
11 Di mana-mana aya bahaya.
Alun-alun kota pinuh ku tukang nindes jeung tukang tipu.
12 Leuheung lamun nu ngahina téh musuh,Abdi bisa sabar.
Leuheung lamun nu ngalawan téh musuh,Abdi bisa nyumput ti manéhna.
13 Tapi ieu mah manéh pisan, sobat dalit,Jalma nu sarua dihormat jiga abdi.*
14 Baheula urang duaan téh sobat nu layeut,Nu sok leumpang ka imah Allah bareng jeung jalma réa.
15 Muga-muga musuh-musuh abdi diancurkeun!
Maranéhna sing diasupkeun hirup-hirup ka Kuburan,*Sabab maranéhna ngukut kajahatan di imahna jeung dina haténa.
16 Ari abdi mah, abdi bakal sasambat ka Allah Yéhuwa,Abdi tangtu disalametkeun ku Anjeunna.
17 Isuk, beurang, peuting, abdi udah-aduh* ku kasusah.
Anjeunna ngadangu sora abdi.
18 Anjeunna bakal nengtremkeun abdi sarta nyalametkeun* abdi ti musuh-musuh nu nyerang abdi,Lantaran maranéhna téh loba pisan.
19 Allah nu calik dina tahta ti jaman baheulaBakal ngadangukeun abdi sarta ngalawan maranéhna. (Sela)
Maranéhna teu daék barobahJeung teu sieun ka Allah.
20 Jalma éta* nyerang babaturanana sorangan.
Manéhna ngalanggar perjangjianana.
21 Omonganana leuwih leueur tibatan mantéga,Tapi dina haténa mah hayangna paséa.
Ucapanana tiis kana ceuli, kawas minyak kana kulit,Tapi sabenerna mah seukeut kawas pedang.
22 Pasrahkeun* beban anjeun ka Yéhuwa,Anjeunna bakal ngadukung anjeun.
Anjeunna moal ngantep jalma bener tigubrag.*
23 Tapi nun Allah, Gusti bakal ngagebruskeun jalma-jalma jahat kana lombang nu pangjerona.
Tukang maéhan jeung tukang tipu moal hirup nepi ka satengah umurna.
Tapi ari abdi mah, abdi bakal percaya ka Gusti.
Catetan Tambihan
^ Tingali Daptar Istilah.
^ Atawa ”Waktu abdi ngadoa ménta tulung, ulah nyumput”.
^ Atawa ”kacowkeun basa maranéhna”.
^ Atawa ”nu sajajar jeung abdi”.
^ Atawa ”Syéol”. Tingali Daptar Istilah.
^ Atawa ”auk-aukan”.
^ As. ”nebus”.
^ Maksudna, urut sobat nu disebutkeun dina ay. 13 jeung 14.
^ As. ”Alungkeun”.
^ Atawa ”ngoléang”.
