Mikha 4:1-13
4 Dina poé-poé panungtungan,*Gunung tempat bumina Yéhuwa bakal ajeg,Ngadeg ngaluhuran puncak-puncak gunung.Éta bakal leuwih luhur tibatan pasir-pasir.*Jalma-jalma bakal ngabring daratang ka dinya.
2 Loba bangsa bakal arindit sarta ngaromong kieu,
”Hayu urang nanjak ka gunung Yéhuwa,Ka bumi Allahna Yakub.
Anjeunna bakal ngajar urang jalan-jalan-Na,Sarta urang bakal nempuh jalan-jalan-Na.”
Sabab hukum* bakal kaluar ti Zion,Firman Yéhuwa bakal kaluar ti Yérusalém.
3 Anjeunna bakal mutus perkara di tengah bangsa-bangsa,Bakal ngaréngsékeun masalahna bangsa-bangsa nu kuat, boh nu jauh boh nu deukeut.
Pedang-pedangna ku maranéhna dijieunan mata wuluku,Tumbak-tumbakna dijieunan péso pangkas.
Bangsa-bangsa moal silih perangan deui,Malah moal diajar perang deui.
4 Tiap jalma bakal diuk* handapeun tangkal anggur jeung tangkal arana masing-masing,Maranéhna moal sieun ku naon-naon,Sabab éta geus diucapkeun ku Yéhuwa, pangawasa pasukan sorga.
5 Kabéh bangsa bakal ngabakti ka* déwana masing-masing.Tapi urang mah bakal ngabakti ka* Yéhuwa, Allah urang, salalanggengna.
6 Yéhuwa nyabda, ”Dina poé éta,Kuring bakal ngumpulkeun jalma nu pincang,Bangsa nu geus paburencay,Sarta jalma nu dihukum ku Kuring.
7 Kuring bakal nyalametkeun jalma pincang nu nyésa kénéh.Bangsa nu diusir ka tempat nu jauh bakal dijadikeun bangsa nu kuat.Yéhuwa bakal maréntah jadi raja maranéhna di Gunung Zion,Ti ayeuna nepi ka salalanggengna.
8 Hé munara jaga ingon-ingon,Pasir milik urang Zion,Kakawasaan manéh nu baheula* bakal dipulihkeun deui.Nya, éta téh karajaan milik urang Yérusalém.
9 Ku naon manéh bet jejeritan?
Éta téh pédah manéh teu boga raja?Pédah juru naséhat manéh paéh?Manéh ngarasa nyeri kawas awéwé keur ngajuru?
10 Hé urang Zion, pék geura pepelengkingan jeung udah-aduhKawas awéwé keur ngajuru,Lantaran ayeuna maranéh kudu kaluar ti kota, kudu maratuh di tegalan.
Maranéh bakal arindit nepi ka Babilon,Terus di ditu maranéh bakal disalametkeun.Di ditu, maranéh bakal ditebus ku Yéhuwa tina leungeun musuh.
11 Loba bangsa bakal karumpul rék ngalawan maranéh.Ceuk maranéhna, ’Zion sina dihina.Hayu urang tempo kajadian éta ninggang ka Zion.’
12 Tapi maranéhna teu nyahoeun kana pikiran Yéhuwa,Teu ngartieun kana tujuan* Anjeunna.Anjeunna bakal ngumpulkeun maranéhna kawas ngumpulkeun beungkeutan gandum nu kakara diteukteuk ka pangirikan.*
13 Éh urang Zion, geura cengkat tuluy ngirik.Tanduk maranéh ku Kuring bakal dijadikeun beusi,Kuku maranéh bakal dijadikeun tambaga.Maranéh bakal ngancurkeun loba bangsa.
Kauntungan maranéhna beunang ngalicikan batur téh bakal dibaktikeun ka Yéhuwa.Harta maranéhna bakal dibaktikeun ka Gusti nu bener, nu ngawasaan sakuliah bumi.”
Catetan Tambihan
^ Atawa ”Dina panungtungan éta mangsa”.
^ Atawa ”bukit-bukit”.
^ Atawa ”pituduh”.
^ Atawa ”matuh”.
^ As. ”bakal leumpang mawa ngaran”.
^ As. ”bakal leumpang mawa ngaran”.
^ Atawa ”nu mimiti”.
^ Atawa ”naséhat”.
^ Tempat misahkeun gandum tina cangkangna.
