Yunus 3:1-10
3 Yéhuwa ngomong kadua kalina ka Yunus,
2 ”Cengkat, jig indit ka Niniwé, kota nu gedé téa, jeung umumkeun ka urang dinya warta nu geus dibéjakeun ku Kuring ka manéh.”
3 Yunus nurut kana paréntah Yéhuwa tuluy indit ka Niniwé. Niniwé téh kota nu gedé pisan.* Lamun leumpang ngurilingan kota éta, butuh waktu tilu poé.
4 Geus kitu Yunus asup ka kota, leumpang sapoé jeput, jeung ngumumkeun, ”Opat puluh poé deui Niniwé bakal diancurkeun.”
5 Ngadéngé kitu, urang Niniwé jadi boga iman ka Allah. Maranéhna kabéh ngumumkeun puasa jeung maké kaén goni, ti jalma penting nepi ka jalma biasa.
6 Barang raja Niniwé ngadéngé warta éta, manéhna cengkat tina tahtana, ngaleupaskeun baju karajaanana, diganti ku kaén goni, tuluy diuk dina lebu.
7 Geus kitu, manéhna ngaluarkeun béwara keur sakabéh rahayat Niniwé. Eusina téh kieu:”Ieu putusan raja jeung para pajabatna: Jelema atawa sato, rék sapi, rék embé, rék domba, teu meunang dahar. Kabéhanana teu meunang dahar jeung nginum nanaon.
8 Jelema jeung sato, kabéhanana kudu maké kaén goni. Kabéhanana kudu bener-bener sasambat ka Allah jeung barobah tina jalan hirupna nu jahat sarta lalampahanana nu kejem.
9 Muga-muga Allah nu bener ngarobah* putusana-Na jeung teu jadi ngadatangkeun amarah-Na, supaya urang ulah binasa.”
10 Waktu Allah nu bener ningali maranéhna barobah tina jalan hirupna nu jahat, Anjeunna ngarobah* putusana-Na jeung teu jadi ngahukum maranéhna.
Catetan Tambihan
^ As. ”kota nu gedé dina pandangan Allah”.
^ Atawa ”ngarasa hanjakal kana”.
^ Atawa ”ngarasa hanjakal kana”.
