DESEMBA 14, 2015
AZERBAIJAN
Azerbaijan Yapuuza Ombi la Umoja wa Mataifa la Kumhamisha Irina Zakharchenko
Serikali ya Azerbaijan imepuuza ombi la haraka la Kamati ya Umoja wa Mataifa ya Haki za Kibinadamu la kuitaka imhamishe Irina Zakharchenko kutoka gerezani na kumpeleka kwenye hospitali au kumpa kifungo cha nyumbani. Desemba 10, 2015, juma moja baada ya serikali kupokea ombi hilo, hakimu wa kesi hiyo alikataa kumhamisha. Kwa sababu ya kufungwa gerezani kwa miezi kumi, Irina sasa ana utapiamlo, amekosa usingizi kwa muda mrefu, na amepatwa na athari kubwa ya kisaikolojia.
Pia, hakimu huyo alikataa ombi la kumhamisha Valida Jabrayilova, Shahidi ambaye pia anakabili mashtaka, na kumpa kifungo cha nyumbani.
Kesi hiyo itasikilizwa tena Desemba 17, 2015, kwenye Mahakama ya Wilaya ya Baku Pirallahi.
Huenda Ukapenda Pia
TAARIFA ZA HABARI
Mashahidi Waitaka Serikali ya Azerbaijan Iwaachilie Wanawake Waliofungwa Isivyo Haki
Irina Zakharchenko na Valida Jabrayilova wanatendewa kama wahalifu hatari kwa sababu ya kuzungumza na watu kuhusu imani yao. Je, Azerbaijan itatekeleza mikataba iliyosaini ya uhuru wa ibada?
TAARIFA ZA HABARI
Rashad Niftaliyev Atozwa Faini na Kufungwa Gerezani kwa Kushiriki Mikutano ya Kidini
Hii ni mara ya pili kuadhibiwa katika kipindi cha miezi 14, ingawa hakuna sheria ya Azerbaijan inayokataza kukutana kwa ajili ya ibada.