DESEMBA 12, 2014
KOREA KUSINI
Habari Kuhusu Kusanyiko la Kimataifa: Mashahidi Watoa Biblia Jijini Seoul
David Splane, mshiriki wa Baraza Linaloongoza, akitoa toleo lililorekebishwa la Biblia Takatifu—Tafsiri ya Ulimwengu Mpya katika Kikorea.
SEOUL—Mashahidi wa Yehova walitangaza kutolewa kwa toleo lililorekebishwa la Biblia Takatifu—Tafsiri ya Ulimwengu Mpya katika Kikorea kwenye Kusanyiko la Kimataifa la “Endeleeni Kuutafuta Kwanza Ufalme wa Mungu!” jijini Seoul, Korea. Tukio hilo lilifanywa kwenye Uwanja wa Michezo wa Kombe la Dunia jijini Seoul Septemba 6-8, 2014. Biblia zilipatikana bila malipo na wote 56,867 waliohudhuria walipata nakala, kutia ndani watu 59,091 waliokuwa wakisikiliza programu hiyo katika majiji ya Busan, Daejeon, Gwangju, Jeju, Suwon, na Yeosu. Joon-yeong Choi, aliyehudhuria programu hiyo alisema hivi: “Jambo lisiloweza kusahauliwa katika kusanyiko hili ni kutolewa kwa toleo lililorekebishwa la Tafsiri ya Ulimwengu Mpya.”
Wahudhuriaji zaidi ya 56,000 wakifurahia programu ya Biblia.
Mashahidi kutoka Kanada, Finland, Filipino, Poland, na Marekani walihudhuria programu hiyo jijini Seoul. Dae-il Hong, msemaji wa Mashahidi wa Yehova nchini Korea alisema hivi: “Tulifanya kazi nyingi kutayarisha tukio hili lenye kusisimua na lenye kuelimisha, na kwa kweli kusanyiko hili lilipita matarajio yetu. Lilikuwa pendeleo kubwa kuandaa tukio hili la pekee.”
Vinyago vilivyo na muundo wa Biblia uwanjani.
Wahudhuriaji katika Uwanja wa Michezo wa Kombe la Dunia walistaajabu sana wakati vinyago vitatu vilivyokuwa vimetengenezwa kwa umbo la Biblia vilipofunguliwa na kufichua vidimbwi vya ubatizo. Watu 630 walibatizwa jijini Seoul na wengine 596 walibatizwa katika yale majiji mengine, na hivyo jumla ya waliobatizwa ikawa 1,226.
Vinyago vilivyo na muundo wa Biblia vilitumiwa kama vidimbwi vya ubatizo.
Wanahabari Wanaweza Kuwasiliana na:
J. R. Brown, Ofisi ya Habari za Umma, simu +1 718 560 5000
Jamhuri ya Korea: Dae-il Hong, simu +82 31 690 0033
Huenda Ukapenda Pia
TAARIFA ZA HABARI
Mashahidi wa Yehova Watangaza Makusanyiko ya Kimataifa
Kuanzia Juni 2014 na kuendelea hadi Januari 2015, Mashahidi wa Yehova watafanya makusanyiko ya kimataifa ya siku tatu katika nchi tisa.
TAARIFA ZA HABARI
Mashahidi Waanza Makusanyiko ya Kimataifa
Kusanyiko la kwanza katika mfululizo wa makusanyiko ya kimataifa ya Mashahidi wa Yehova ya mwaka wa 2014/2015 litaanza asubuhi ya Ijumaa, Juni 6, 2014, kwenye uwanja wa Ford Field huko Detroit, Michigan, Marekani. Sehemu fulani za programu hiyo zitapeperushwa moja kwa moja kwa njia ya video katika maeneo kumi ya makusanyiko nchini Marekani.
TAARIFA ZA HABARI
Ripoti ya Makusanyiko ya Kimataifa: Mashahidi Wafanya Makusanyiko ya Kihistoria Kwenye Uwanja wa MetLife
Maelfu ya watu walifurika katika Uwanja wa MetLife, East Rutherford, NJ, Marekani, kwa ajili ya mfululizo wa Makusanyiko ya Kimataifa yenye kichwa “Endeleeni Kuutafuta Kwanza Ufalme wa Mungu!” Juni 20-22 na Juni 27-29, 2014.
TAARIFA ZA HABARI
Habari Kuhusu Kusanyiko la Kimataifa: Mashahidi wa Yehova Wakusanyika Katika Uwanja wa Olympic Nchini Ugiriki
Kusanyiko la Kimataifa la “Endeleeni Kuutafuta Kwanza Ufalme wa Mungu!” lilifanywa katika uwanja wa michezo wa Olympic Athletic Center jijini Athens, mahali ambapo Michezo ya Olimpiki ya mwaka wa 2004 ilifanyiwa.
KUTUHUSU
Hudhuria Kusanyiko la Eneo la 2024—‘Tangaza Habari Njema!’
Tunakukaribisha kwa uchangamfu uhudhurie kusanyiko la eneo la siku tatu la mwaka huu litakalofanywa na Mashahidi wa Yehova.
MAKUSANYIKO
Video Fupi: Ripoti ya Kusanyiko la Kimataifa
Mashahidi wa Yehova hufanya makusanyiko ya pekee katika miji iliyoteuliwa kuzunguka ulimwenguni kote. Jionee kwa nini watu wengi hufurahia makusanyiko hayo.