Vita vilipozidi kuongezeka katika Eneo la Donetsk huko Ukrainia, Ndugu Mykola Bozhedomov alisafiri kwenda Kramatorsk mara kadhaa ili kuwasaidia wengi iwezekanavyo kukimbia vita katika eneo hilo.

Inasikitisha kwamba Aprili 8, 2022, Mykola alikufa kituo cha garimoshi kilicho Kramatorsk, Eneo la Donetsk, kilipolipuliwa.

Zaidi ya watu 50 walikufa katika shambulio hilo, kutia ndani Mykola mwenye umri wa miaka 58 na pia dada mmoja. Vilevile, zaidi ya watu 100 walijeruhiwa, kutia ndani ndugu mmoja. Mashahidi wengine ambao waliokoka shambulio hilo walisema kwamba kulikuwa na milipuko miwili mikubwa kisha vyuma vikarushwa kila mahali kwa nguvu.

Mykola na Nina mke wake, walikuwa wamefunga ndoa kwa miaka 32. Nina anasema hivi: “Sikuzote, mume wangu alitanguliza masilahi ya wengine. Alipenda sana kuwasaidia wahubiri wenye umri mkubwa na walemavu. Lakini kila mara aliposafiri kwenda Kramatorsk hali ilizidi kuwa hatari zaidi. Hiyo ilipaswa kuwa safari yake ya mwisho.”

Wote wawili walibatizwa pamoja mwaka wa 1997. Mykola alitumikia akiwa mzee mwaminifu kwa miaka mingi. Akina ndugu na dada wanamwonyesha Nina upendo mwingi na pia wanamtegemeza sana. Nina anasema, “Maneno yao ya kunifariji yananisaidia katika kipindi hiki kigumu.”

Nina pia anaeleza kwamba Maandiko yanamfariji sana, hasa Isaya 40:28-31. Anasema hivi: “Yehova ananisaidia kupata nguvu tena. Ninajionea kwamba Yehova ananipenda sana. Awali nilikuwa tu nikisoma kuhusu upendo kama huo katika machapisho yetu, lakini sasa mimi mwenyewe nimejionea upendo huo.”

Tunaendelea kusali kwa ajili ya Nina na wote ambao wamepoteza wapendwa wao katika vita hivyo. Tunajua kwamba Yehova ataendelea kuwategemeza.​—Zaburi 20:2.