AGOSTI 31, 2022 | HABARI ZILIONGEZWA: JANUARI 26, 2023
URUSI

HABARI ZA KARIBUNI—NDUGU AHUKUMIWA | Yehova Amenipa Marafiki Wanaonitegemeza Bila Woga”

CHEZA

Januari 24, 2023Mahakama ya Wilaya ya Kuznetsk iliyo Novokuznetsk katika Eneo la Kemerovo ilimhukumu Ndugu Sergey Sushilnikov kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Novemba 2019

Wapelelezi waliweka vinasa-sauti na kamera ya kurekodi video katika nyumba ya Sergey
Juni 3, 2021

Kesi ya uhalifu ilifunguliwa
Juni 8, 2021

Nyumba ya Sergey ilipekuliwa. Sergey na mke wake walichukuliwa ili wakahojiwe
Julai 15, 2021

Jina lake liliongezwa kwenye orodha ya magaidi ya serikali na akaunti zake za benki zikazuiliwa
Februari 8, 2022

Alishtakiwa kwa kupanga na kuendeleza utendaji wa shirika lenye msimamo mkali. Aliwekewa vizuizi vya kusafiri
Machi 30, 2022

Kesi ya uhalifu ilianza

Maelezo Mafupi Kumhusu

Sergey Sushilnikov

Alizaliwa: 1957 (Korkino, Eneo la Chelyabinsk)

Maisha Yake: Alifanya kazi akiwa msimamizi wa kiwanda cha kuzalisha nishati. Sasa amestaafu

Alifunga ndoa na Tatyana mwaka wa 1979. Wana mabinti wawili

Aliwafahamu Mashahidi wa Yehova kupitia binamu ya mke wake. Sergey na Tatyana walibatizwa pamoja mwaka wa 1996

Maelezo ya Kibinafsi

Ni kanuni gani za Biblia ambazo zimekusaidia katika kipindi hiki kigumu?

Andiko la Methali 17:17 linanigusa moyo sana, linasema: “Rafiki wa kweli hupenda nyakati zote naye ni ndugu ambaye amezaliwa kwa ajili ya nyakati za taabu.” Maneno haya yamekuwa na maana kubwa hata zaidi kwangu katika kipindi hiki ambapo ninahitaji msaada wa wengine ili niweze kuvumilia. Yehova amenipa marafiki wanaonitegemeza bila woga na kunisaidia mambo yanapokuwa magumu.

Ndugu na dada wamewasaidiaje kihususa wewe na mke wako?

Maofisa wa polisi walipomaliza kupekua nyumba yetu, walitupeleka kituoni ili kutuhoji. Mke wangu alikuwa wa kwanza kuachiliwa. Punde tu baada ya Tatyana kufika nyumbani dada mmoja jasiri alikuja kumwona. Ndugu na dada wengine pia walikuja na kutusaidia kupanga tena nyumba yetu. Hata mzee mmoja wa kutaniko alikuja kutuona, ingawa kufanya hivyo kulikuwa hatari.

Yesu alisema hivi kwenye Yohana 13:35: “Kwa jambo hili wote watajua kwamba ninyi ni wanafunzi wangu—mkiwa na upendo miongoni mwenu.” Inafurahisha kuona kwamba mimi na Tatyana tuna marafiki wenye upendo na tumejionea upendo huo.

Tunafarijika kujua kwamba Yehova anaendelea kuwaandalia msaada watumishi wake waaminifu katika “nyakati za taabu.”—Zaburi 46:1.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI