APRILI 25, 2023 | HABARI ZIMEONGEZWA: OKTOBA 23, 2023
URUSI

HABARI ZA KARIBUNI—NDUGU AMEHUKUMIWA | “Shangwe Ni Kama Mota Inayonisukuma Mbele”

CHEZA

Oktoba 23, 2023, Mahakama ya Wilaya ya Zavodskiy iliyo Kemerovo ilimhukumu Ndugu Vladimir Baykalov kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Vladimir Baykalov

Alizaliwa: 1963 (Krapivinskiy, Eneo la Kemerovo)

Maisha Yake: Alikuwa mwana-ndondi stadi kabla ya kuwa Shahidi wa Yehova. Baadaye, akawa mwalimu wa riadha na kusimamia uwanja wa michezo

Alifunga ndoa na Irina mwaka wa 1984. Walikuwa na mwana na binti

Irina alianza kujifunza Biblia mwaka wa 1995 na alibatizwa mwaka wa 1996. Vladimir alianza kuona mabadiliko mazuri ambayo familia yake ilifanya kwa sababu ya kutumia kanuni za Biblia. Baada ya kupata jereha ambalo lilifanya aache kazi yake, Vladimir alichanganua upya maisha yake na kuanza kujifunza Biblia. Alibatizwa mwaka wa 1999

Maelezo ya Kibinafsi

Ni sifa gani inayokusaidia kuvumilia?

Shangwe ni kama mota inayonisukuma mbele na kunichochea. Kwa hiyo, ninafanya yote niwezayo ili kudumisha shangwe yangu ili kuelendelea kuwa na mambo mengi ya kiroho ya kufanya. Na bila shaka, nilitafakari ahadi nzuri za Yehova kuhusu wakati ujao. Kwa kufanya mambo haya, ninaweza kuwa na shangwe hata ninapokuwa mahakamani.

Ni mstari gani wa Biblia ambao umekufariji?

Marko 13:11, Yesu alieleza jambo ambalo tunapaswa kufanya tunapopelekwa mahakamani: “Na watakapokuwa wakiwapeleka kuwashtaki, msihangaike kuhusu jambo mtakalosema; bali semeni jambo mtakalopewa saa hiyo, kwa maana si ninyi mnaosema, bali ni roho takatifu.” Kesi yangu iliposikilizwa kwa mara ya kwanza, hakimu alinipa fursa ya kujitetea. Nilihisi woga mwingi. Kwa msaada wa roho ya Yehova, niliweza kujieleza kwa utulivu na heshima. Nilihisi Yehova alijibu sala zangu kwa kunifanya jasiri na imara.

Tuna uhakika kwamba Yehova ataendelea kuwaimarisha watumishi wake wote waaminifu wavumilie majaribu yao kwa shangwe.—Yakobo 1:2, 3.

Mfuatano wa Matukio

Februari 2, 2022

Kesi ya uhalifu yafunguliwa
Februari 3, 2022

Nyumba yake ilifanyiwa msako
Oktoba 26, 2022

Alishtakiwa na kuwekewa vizuizi vya kusafiri
Novemba 30, 2022

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI