JUNI 15, 2022 | TAREHE YA KARIBUNI: DESEMBA 23, 2022
URUSI

HABARI ZA KARIBUNI—RUFAA | Galina Kobeleva Ameazimia Kutoa Ushahidi Mahakamani

CHEZA

Desemba 21, 2022, Mahakama ya Eneo la Primorye ilikubali sehemu ya rufaa ya Dada Galina Kobeleva. Hahitaji tena kulipa gharama za kesi. Hata hivyo, hukumu yake ya kifungo cha nje cha miaka sita inaendelea.

Oktoba 20, 2022, Mahakama ya Wilaya ya Lesozavodskiy iliyo katika Eneo la Primorye ilimhukumu Dada Galina Kobeleva kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Mei 12, 2020

Maofisa wa polisi katika Eneo la Primorye walifanya msako katika nyumba za familia tatu za Mashahidi wa Yehova, kutia ndani nyumba ya Galina. Dada Galina na mwanaye, yaani, Ndugu Sergey Kobelev, walihojiwa na kisha maofisa wa polisi wakaanza kuwafanyia uchunguzi
Machi 8, 2021

Wenye mamlaka walifungua kesi ya uhalifu dhidi ya Galina. Alishtakiwa kwamba alishiriki katika utendaji wa shirika lenye msimamo mkali
Aprili 7, 2021

Aliwekewa vizuizi vya kusafiri
Oktoba 29, 2021

Kesi ya uhalifu ilianza

Maelezo Mafupi Kumhusu

Galina Kobeleva

Alizaliwa: 1956 (Verkhniye Mully, Eneo la Perm)

Maisha Yake: Alifanya kazi ya mauzo na ya uhasibu. Anapenda kutunza bustani

Alijifunza kuhusu Mashahidi wa Yehova kutoka kwa mama yake. Alisadiki kwamba amepata kweli baada ya kuona upendo mwingi ambao ndugu na dada kutanikoni walionyeshana. Alibatizwa mwaka wa 1998

Maelezo ya Kibinafsi

Ni nini kinachokuchochea kutoa ushahidi kwa ujasiri?

Ninaona mahakama kuwa eneo langu la kuhubiri. Ninahisi kwamba Yehova na Yesu wanatazamia nitoe ushahidi mbele za mahakama.

Isitoshe ndugu na dada hunitegemeza kesi yangu inaposikilizwa. Ingawa ninakuwa peke yangu wakati huo, ninahisi sala za akina ndugu zinanitegemeza, nami ninapata nguvu.

Ni andiko gani kwenye Biblia linalokusaidia kuvumilia?

Mojawapo ya maandiko ninayopenda sana ni Isaya 48:17, 18, inayosema hivi kwa sehemu: “Mimi, Yehova, ni Mungu wako, ninayekufundisha ili ujifaidi mwenyewe, ninayekuongoza katika njia unayopaswa kutembea.” . . . Mara nyingi ninatafakari kuhusu faida nyingi zinazotokana na kufuata njia ya Yehova na shangwe kubwa ninayopata ninapofanya hivyo. Tuna tumaini zuri la wakati ujao, kuishi chini ya hali nzuri kabisa katika dunia paradiso. Lakini kwa sasa, tuna fursa ya kuona jinsi Mungu Mweza-Yote ambaye pia ni Baba yetu na Rafiki yetu, anavyokuwa pamoja nasi tunapokabili majaribu na hilo linatusaidia kumkaribia. . . . Ikiwa nitaacha njia yake, bado nitakabiliana na magumu maishani, lakini sasa nitakosa faraja ya kweli na msaada ambao yeye tu ndiye anayeweza kunipa.

Tunashukuru sana kwamba Yehova anaendelea kuwaleta watumishi wake waaminifu, kama vile Galina, “mahali penye usalama” wanapoendelea kulitetea jina lake kwa ujasiri.—2 Samweli 22:18-21.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI