MEI 21, 2024
URUSI

Ni Heshima Kubwa Kulitetea Jina la Yehova

CHEZA

Mahakama ya Jiji la Biysk iliyo katika Eneo la Altai itatangaza uamuzi wake hivi karibuni katika kesi inayomhusu Ndugu Sergey Lukin. Mwendesha mashtaka bado hajatoa ombi la hukumu anayopendekeza.

Maelezo Mafupi Kumhusu

Sergey Lukin

Alizaliwa: 1971 (Biysk)

Maisha Yake: Anasimamia maeneo ya kuangulia samaki

Alifunga ndoa na Yelena mwaka wa 1991. Wana mwana mmoja, binti mmoja, na mjukuu mmoja

Mwaka wa 1998, mama ya Sergey akawa Shahidi wa Yehova. Alimtia moyo Sergey asome Biblia. Sergey alivutiwa sana kuona jinsi sehemu mbalimbali za Biblia zinavyopatana. Alibatizwa mwaka wa 2010

Maelezo ya Kibinafsi

Ni mstari gani wa Biblia ambao umekuimarisha?

Mara tu nilipokuwa Shahidi wa Yehova, nililazimika kukabiliana na changamoto kadhaa. Nilipoteza kazi yangu na haikuwa rahisi kukabiliana na upinzani kutoka kwa watu wa familia. Wakati huo, nilivunjika moyo sana. Lakini nilifarijiwa sana na Zaburi 118:6 inayosema: “Yehova yuko upande wangu; sitaogopa. Mwanadamu atanifanya nini?” Ninapokabili tatizo lolote, maneno ya Zaburi hiyo yananiimarisha sana. Kwa mfano wenye mamlaka walipofika ili kufanya msako nyumbani kwangu na kunipeleka ili nikahojiwe, nilijua kwamba sikuwa na sababu yoyote ya kuogopa. Yehova alinisaidia nibaki nikiwa mtulivu. Na baada ya hapo nilihisi nikiwa na shangwe. Hilo lilinifanya nifikirie jinsi mitume walivyohisi walipopigwa kwa sababu ya jina la Yesu. Ninaelewa vizuri hata zaidi kwamba nimepewa heshima ya kulitetea jina la Yehova. Ninataka kufanya yote niwezayo ili kubaki nikiwa mwaminifu kwa Yehova na kuithamini heshima hiyo aliyonipa.

Tunathamini sana mfano wa Sergey, ambao unatukumbusha kwamba upendo wetu kwa Yehova “hutupa woga nje.”—1 Yohana 4:18.

Mfuatano wa Matukio

Desemba 1, 2022

Kesi ya uhalifu ilifunguliwa
Januari 25, 2023

Jengo na ofisi ilifanyiwa msako. Alihojiwa na kuwekewa vizuizi vya kusafiri
Januari 25, 2024

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI