Unawezaje kuielewa Biblia?
Jibu la Biblia
Biblia yenyewe inaonyesha njia nyingi za kuielewa. Bila kujali malezi yako, ujumbe wa Mungu ulio katika Biblia ‘si ngumu mno kwako, wala hauko mbali.’—Kumbukumbu la Torati 30:11.
Njia za kuielewa Biblia
Uwe na mtazamo unaofaa. Kubali kwamba Biblia ni Neno la Mungu. Uwe mnyenyekevu, kwa kuwa Mungu anawapinga wenye kiburi. (1 Wathesalonike 2:13; Yakobo 4:6) Hata hivyo, usiamini tu bila kufikiri, Mungu anataka utumie ‘nguvu zako za kufikiri.’—Waroma 12:1, 2.
Sali ili upate hekima. Biblia inasema hivi katika Methali 3:5: “Usitegemee uelewaji wako mwenyewe.” Badala yake, ‘endelea kumwomba Mungu’ ili akupe hekima ya kuielewa Biblia.—Yakobo 1:5.
Jifunze kwa ukawaida. Utafaidika hata zaidi ukiendelea kujifunza Biblia kwa ukawaida badala ya kuisoma mara kwa mara tu.—Yoshua 1:8.
Jifunze kwa kuchagua wazo. Funzo linalotegemea vichwa mbalimbali, yaani, kujifunza habari fulani hususa, ni njia nzuri sana ya kujifunza mafundisho ya Maandiko. Anza na “masomo ya msingi,” na kisha “endelea na mafundisho makomavu zaidi (mazito zaidi).’ (Waebrania 6:1, 2, Easy-to-Read Version) Utaona kwamba unaweza kulinganisha andiko moja na andiko lingine na kugundua kwamba sehemu mbalimbali za Biblia zinafafanua sehemu nyingine, hata zile zilizo ‘ngumu kueleweka.’—2 Petro 3:16.
Waombe wengine msaada. Biblia inatutia moyo tukubali msaada kutoka kwa wengine wanaoielewa Biblia. (Matendo 8:30, 31) Mashahidi wa Yehova huandaa programu ya kujifunza Biblia bila malipo kwa kutumia njia iliyotumiwa na Wakristo wa mapema. Wanatumia marejeo ya Kimaandiko kuwasaidia wengine kujua yale ambayo Biblia inafundisha hasa.—Matendo 17:2, 3.
Ili kuijua Biblia huhitaji kuwa na mambo yafuatayo
Akili au elimu ya juu. Kwa mfano, mitume 12 wa Yesu walielewa Maandiko na kuwafundisha wengine, hata ingawa mitume walionwa na wengine kuwa “wasio na elimu na wa kawaida tu.”—Matendo 4:13.
Pesa. Unaweza kujifunza Biblia bila malipo. Yesu aliwaambia wanafunzi wake hivi: “Mlipokea bure, toeni bure.”—Mathayo 10:8.
Huenda Ukapenda Pia
MAJIBU YA MASWALI YA BIBLIA
Biblia Ni Nini?
Anza safari yako yenye kustaajabisha ya kuchunguza ujumbe kutoka kwa Mungu unaoitwa neno la Mungu.
KUTUHUSU
Kwa Nini Ujifunze Biblia?
Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?
MNARA WA MLINZI
Kupata Msaada wa Kuielewa Biblia
Ikiwa Biblia inaeleweka, kwa nini unahitaji msaada wa kuielewa?
ESSENTIAL BIBLE TEACHINGS
Tunawezaje Kuwa na Hakika Kwamba Yale Yaliyoandikwa Katika Biblia Ni ya Kweli?
Ikiwa Biblia ilitungwa na Mungu, haipaswi kuwa kama kitabu kingine kilichowahi kuandikwa.
HABARI ZAIDI
Ratiba za Usomaji wa Biblia
Iwe unatafuta ratiba ya kusoma Biblia kila siku, ratiba ya kusoma Biblia kwa mwaka mmoja, au ratiba ya kusoma Biblia kwa ajili ya wanaoanza kusoma Biblia, ratiba hii itakusaidia.
