VIJANA HUULIZA
Nifanye Nini Rafiki Yangu Akiniumiza?
Unachopaswa kujua
Hakuna uhusiano wa wanadamu usio na matatizo. Kwa sababu si mkamilifu, huenda rafiki yako—hata yule unayemwona kuwa rafiki wa karibu sana—anaweza kufanya au kusema jambo ambalo litakuumiza. Bila shaka, wewe pia si mkamilifu. Kwa hiyo, ni jambo la haki kukumbuka wakati wewe ulipomuumiza mtu fulani.—Yakobo 3:2.
Intaneti inaweza kufanya iwe rahisi kuumia. Kwa mfano, tineja anayeitwa David, alisema hivi: “Ukifungua mtandao wa kijamii na kuona picha za rafiki yako akiwa katika tafrija, unaweza kuanza kujiuliza kwa nini hukualikwa. Na kisha unaweza kuanza kuhisi umesalitiwa na ukahuzunika.”
Unaweza kujifunza kushughulikia tatizo.
Unachoweza kufanya
Jichunguze. Biblia inasema hivi: “Usikasirike haraka, kwa maana hasira ni dalili ya mjinga.”—Mhubiri 7:9, maelezo ya chini.
“Wakati mwingine, baada ya muda unatambua kwamba jambo lililokukasirisha si kubwa sana.”—Alyssa.
Jambo la kufikiria: Je, unakasirika haraka? Je, unaweza kujifunza kuvumilia zaidi udhaifu wa wengine?—Mhubiri 7:21, 22.
Fikiria faida za kusamehe. Biblia inasema hivi: “Ni fahari . . . kuachilia kosa.”—Methali 19:11.
“Hata ikiwa una sababu ya kulalamika, ni jambo jema kusamehe kwa hiari, hilo halimaanishi kumfungia kinyongo na kufanya akuombe msamaha kila wakati kwa kosa ambalo umemsamehe. Ukisamehe, lifute kabisa kosa hilo.”—Mallory.
Jambo la kufikiria: Je, ni jambo zito sana? Je, unaweza kusamehe ili kutafuta amani?—Wakolosai 3:13.
Kurudia-rudia kutaja makosa kila mara katika urafiki ni sawa na kurudia-rudia kufungua mlango na kuacha hewa yenye baridi iingie katika chumba chenye joto
Wafikirie wengine. Biblia inasema hivi: “Mkiangalia, si faida zenu wenyewe, bali pia faida za wengine.”—Wafilipi 2:4.
“Ikiwa kuna upendo na heshima katika urafiki wenu, utakuwa na sababu yenye nguvu ya kusuluhisha matatizo haraka kwa sababu umejitoa katika urafiki wenu. Tayari umetumia jitihada nyingi katika urafiki huo, na usingependa kuupoteza.”—Nicole.
Jambo la kufikiria: Je, kuna ukweli wowote katika maoni ya rafiki yako?—Wafilipi 2:3.
Jambo kuu: Kujua jinsi ya kushughulika na hisia zenye kuumiza ni ustadi utakaokusaidia utakapokuwa mtu mzima. Kwa nini usijifunze kuwa na ustadi huo sasa?
Huenda Ukapenda Pia
VIJANA HUULIZA
Je, Niongeze Idadi ya Marafiki Wangu?
Kuwa katika kikundi cha marafiki wachache kunaweza kuburudisha, lakini si mara zote kuna faida. Kwa nini?
AMKENI!
Unawezaje Kuwa Rafiki Mzuri?
Watu wengi wanahisi kwamba ni muhimu kupata marafiki wazuri. Unawezaje kuwa rafiki mzuri? Makala hii ina kanuni nne za Biblia zinazoweza kukusaidia.
MAJIBU YA MASWALI YA BIBLIA
Biblia Inasema Nini Kuhusu Urafiki?
Marafiki wazuri husaidiana kutokeza sifa nzuri. Chagua rafiki zako kwa uangalifu!
VIJANA HUULIZA
Kwa Nini Niombe Msamaha?
Ona sababu tatu nzuri za kuomba msamaha hata unapohisi kwamba hujakosea kabisa.
VIBONZO KWENYE UBAO
Rafiki wa Kweli
Ni rahisi kupata marafiki bandia, lakini unawezaje kupata rafiki wa kweli?
MAJIBU YA MASWALI YA BIBLIA
Kusamehe Kunamaanisha Nini?
Biblia inaonyesha hatua tano zinazoweza kukusaidia kumsamehe mtu anayekukosea.
