Zaburi 42:1-11
Kwa kiongozi. Maskili* ya wana wa Kora.+
42 Kama paa anayetamani vijito vya maji,Ndivyo ninavyokutamani, Ee Mungu.
2 Nina kiu kwa ajili ya Mungu, kwa ajili ya Mungu aliye hai.+
Nije lini na kuonekana mbele za Mungu?+
3 Machozi yangu ni chakula changu usiku na mchana;Mchana kutwa watu wananidhihaki wakisema: “Mungu wako yuko wapi?”+
4 Ninayakumbuka mambo haya, nami naimwaga nafsi* yangu,Kwa maana wakati fulani nilitembea pamoja na umati;Nilikuwa nikitembea kimyakimya* mbele zao kwenda katika nyumba ya Mungu,Kwa sauti za shangwe na shukrani,Za umati unaofanya sherehe.+
5 Kwa nini nimesononeka?+
Kwa nini msukosuko huu umo ndani yangu?
Mngojee Mungu,+Kwa maana bado nitamsifu kwa kuwa yeye ni Mwokozi wangu Mtukufu.+
6 Mungu wangu, nimesononeka.+
Ndiyo sababu ninakukumbuka,+Kutoka katika nchi ya Yordani na vilele vya Hermoni,Kutoka Mlima Mizari.*
7 Vilindi vya maji vinaita vilindi vya majiKwa sauti ya maporomoko yako ya maji.
Mawimbi yako makubwa yamenilemea.+
8 Wakati wa mchana Yehova atanipa upendo wake mshikamanifu,Na usiku wimbo wake utakuwa pamoja nami—sala kwa Mungu wa uhai wangu.+
9 Nitamwambia Mungu, jabali langu:
“Kwa nini umenisahau?+
Kwa nini nitembee huku na huku nikiwa na huzuni kwa sababu ya kukandamizwa na adui yangu?”+
10 Maadui wangu wananidhihaki kwa chuki kali sana;**
Mchana kutwa wananidhihaki wakisema: “Mungu wako yuko wapi?”+
11 Kwa nini nimesononeka?
Kwa nini msukosuko huu umo ndani yangu?
Mngojee Mungu,+Kwa maana bado nitamsifu kwa kuwa yeye ni Mwokozi wangu Mtukufu na Mungu wangu.+
Maelezo ya Chini
^ Au “polepole.”
^ Au “ule mlima mdogo.”
^ Yaani, inayoweza kusababisha mauaji.
^ Au labda, “kana kwamba wanaiponda mifupa yangu.”
