Yesu alifundisha hivi: “Mlipokea bure, toeni bure.” (Mt 10:8) Tunatii mwongozo huu ulio wazi tunapowapatia watu nakala za Biblia au machapisho ya Biblia bila kuwatoza chochote. (2Ko 2:17) Hata hivyo, machapisho hayo yana kweli zenye thamani kutoka katika Neno la Mungu. Jitihada na gharama nyingi zinahusika ili kuyachapisha na kuyasafirisha hadi kwenye makutaniko duniani kote. Kwa hiyo, tunapaswa kuchukua machapisho tunayohitaji tu.

Tumia utambuzi unapowapatia watu machapisho, hata katika mahubiri ya hadharani. (Mt 7:6) Badala ya kuwapa tu wapita-njia machapisho, jitahidi kuzungumza nao uone ikiwa wanapendezwa. Je, unaweza kujibu ndiyo kwa mojawapo ya maswali yaliyo kwenye sanduku lililo katika sehemu hii? Ikiwa huwezi kutambua kama mtu anapendezwa, ni vizuri kumpa trakti. Lakini mtu huyo akiomba gazeti au chapisho lingine, mpe nakala ya chapisho hilo bila kusita.—Met 3:27, 28.