Jibu la swali hilo linaathiri mtazamo wetu kuhusu maisha.

Je, inawezekana kwamba Mungu aliyeumba vitu vingi vizuri alikusudia wanadamu wateseke?

Watu wasioamini mambo ya dini wanaona kuteseka kuwa ni sababu ya kutilia shaka kusudi la Mungu la kutuumba au hata kuwepo kwake. Wanaamini matatizo ambayo wanadamu wanakabili yanathibitisha kwamba (1) Mungu hana uwezo wa kuyakomesha, (2) Mungu hataki kuyakomesha, au (3) hakuna Mungu.

Je, kweli hizo ni sababu zinazofanya wanadamu wateseke?

Mungu hakutuumba ili tuteseke.

Anataka tufurahie maisha.

“Hakuna jambo bora wanaloweza kufanya [wanadamu] kuliko kushangilia na kufanya mema maishani mwao, na kwamba kila mtu anapaswa kula na kunywa na kufurahia kazi yake yote ngumu. Ni zawadi kutoka kwa Mungu.”​—MHUBIRI 3:12, 13.

Mungu aliwapatia wanadamu wa kwanza vitu vyote walivyohitaji ili waishi bila kuteseka.

Hakukusudia wao au wazao wao wateseke.

“Mungu akawaambia: ‘Zaeni, muwe wengi, muijaze dunia na kuitiisha.’”​—MWANZO 1:28.

Wanadamu wawili wa kwanza walikataa kuongozwa na Mungu.

Kwa sababu hiyo, walijisababishia matatizo mengi wao pamoja na wazao wao wote.

“Kupitia mtu mmoja dhambi iliingia katika ulimwengu na kifo kupitia dhambi, basi kifo kikaenea kwa watu wote kwa sababu wote walikuwa wamefanya dhambi.”​—WAROMA 5:12. *

Mungu hakuwaumba wanadamu wakiwa na uwezo wa kujiongoza

Kama vile ambavyo haiwezekani kwa mwanadamu kuishi ndani ya maji, ndivyo ambavyo hatuwezi kujitawala wenyewe.

“Mwanadamu anayetembea hana uwezo wa kuongoza hatua yake.”​—YEREMIA 10:23.

Mungu hataki tuteseke.

Anataka tuishi kwa njia ambayo tutaepuka matatizo kwa kadiri iwezekanavyo.

“Laiti ungesikiliza amri zangu! Ndipo amani yako ingekuwa kama mto.”​—ISAYA 48:18.