Tunaweza kusamehewa dhambi zetu kwa njia tu ya fidia ya dhabihu ya Yesu aliyolipia kupitia damu yake. (Efe. 1:7) Hata hivyo, Biblia inasema hivi: “Mungu kwa ustahimilivu wake alikuwa akizisamehe dhambi zilizofanywa wakati uliopita,” yaani, kabla ya Yesu kutoa fidia. (Rom. 3:​25, maelezo ya chini) Yehova angewezaje kufanya jambo hilo na wakati huohuo kudumisha kiwango chake kikamilifu cha haki?

Kwa maoni ya Yehova, mara tu alipoahidi “uzao” ambao ungewaokoa wanadamu ambao wangekuwa na imani katika Yehova, ni kana kwamba dhabihu ilikuwa tayari imetolewa. (Mwa. 3:15; 22:18) Mungu alikuwa na uhakika kabisa kwamba kwa wakati wake unaofaa Mwana wake mzaliwa pekee angetoa fidia kwa hiari. (Gal. 4:4; Ebr. 10:​7-10) Akiwa mwakilishi wa Mungu, Yesu alipokuwa duniani alikuwa na mamlaka ya kusamehe dhambi kabla fidia haijatolewa. Alifanya hivyo kwa kutumia thamani ya dhabihu yake ya wakati ujao kwa watu waliokuwa na imani.—Mt. 9:​2-6.