Kilinichochea Nitake Kuwa na Biblia

Urusi ilipokuwa ikitawaliwa na madikteta Wakomunisti, watu hawakuruhusiwa kusoma Biblia. Hata hivyo, katika miaka ya hivi karibuni, Biblia nyingi sana zimegawanywa nchini humo. Barua moja iliyotumwa kwa ofisi ya tawi ya Mashahidi wa Yehova nchini Urusi inaonyesha kwa nini watu wameanza tena kupendezwa na Biblia. Sergei, aliye na mke na watoto anaishi Volgograd, jiji kubwa ambalo kwa muda mrefu liliitwa Stalingrad, jina la dikteta wa Sovieti, Joseph Stalin, anaeleza hivi:

“Hivi majuzi, watu wa kikundi chenu walinitembelea nyumbani. Kwa heshima, waliniuliza kama niliamini kuna Mungu. Nilijibu kwamba kila mtu huamini kwamba kuna Mungu, ingawa watu wengine wana imani yenye nguvu zaidi kuliko wengine. Nilipowaambia kwamba nina mke na watoto, mmoja wa wageni hao alitoa kitabu Siri ya Kupata Furaha ya Familia mkobani mwake na kunipa.”

Baada ya muda fulani, Sergei alianza kusoma kitabu hicho. Anasema hivi: “Nilifurahia sana kukisoma. Ni wazi kwamba kiliandikwa na watu wenye akili waliojitoa sana. Kwa kawaida, mimi hutilia shaka matengenezo ya kidini, lakini naona kwamba ninyi ni watu wanyoofu. Nilipata anwani yenu kwenye ukurasa wa mwisho wa kitabu hicho.” Sergei aliandikia ofisi kwa kutumia anwani hiyo na kuomba nakala ya Biblia.

Kanuni zinazotajwa katika kitabu Furaha ya Familia ambazo husaidia familia kuwa na furaha, zinategemea mafundisho ya Biblia. Baadhi ya sura zake zilizo na masomo muhimu ni “Zoeza Mtoto Wako Tangu Utoto Mchanga Sana,” “Ilinde Familia Yako Dhidi ya Mavutano Yaletayo Uharibifu,” na “Dumisha Amani Nyumbani Mwako.”

Unaweza kuomba kitabu Siri ya Kupata Furaha ya Familia kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu Siri ya Kupata Furaha ya Familia bila malipo.

□ Ningependa kujifunza Biblia nyumbani kwangu bila malipo.