“Nilipata Kile Nilihitaji”

KULINGANA na ripoti ya Shirika la Afya Ulimwenguni, inakadiriwa kwamba watu zaidi ya milioni 120 ulimwenguni pote wameshuka moyo. Kila mwaka, watu milioni moja hujiua na kati ya watu milioni 10 na 20 hujaribu kujiua. Wale ambao wameshuka moyo wanaweza kusaidiwaje? Matibabu yanaweza kupunguza ugonjwa huo, na ni muhimu kuwatia wagonjwa moyo. Isitoshe, baadhi ya watu ambao wameshuka moyo wamepata msaada zaidi kwa kusoma vichapo vya Biblia vya Mashahidi wa Yehova, kama barua ifuatayo kutoka Ufaransa inavyoonyesha.

“Kwa muda mrefu sikuona haja ya kuendelea kuishi. Nilimwomba Mungu nife. Nilikuwa kama mfu tu. Nilisali sana Yehova aniongoze. Pia, niliamua kusoma kitabu cha 2002 Yearbook of Jehovah’s Witnesses na nikakisoma chote kwa siku tatu. Kilinitia moyo sana na kuimarisha imani yangu.

“Nilishangaa nilipofanya utafiti katika magazeti ya Mnara wa Mlinzi na Amkeni! Nimesoma magazeti haya kwa ukawaida kwa miaka zaidi ya 15, lakini sikutambua kamwe kwamba ni yenye kutia moyo na yenye kupendeza sana. Yameandikwa kwa njia ya upendo, sifa ambayo ni haba sana siku hizi. Nilipata kile nilihitaji.”

Biblia inasema: “BWANA yu karibu nao waliovunjika moyo, na waliopondeka roho huwaokoa.” (Zaburi 34:18) Bila shaka, wote “waliovunjika moyo” au “waliopondeka roho” wanaweza kupata kitia-moyo na tumaini la wakati ujao katika Biblia. Mashahidi wa Yehova hugawa vichapo vya Biblia ili kuwasaidia wale wanaohitaji faraja kutoka katika kitabu hicho kilichoongozwa na Mungu.