Wakati Tunapopaswa Kukaa Macho
Wafundishe Watoto Wako
Wakati Tunapopaswa Kukaa Macho
HUENDA unakubali kwamba ni muhimu kukaa macho unapokuwa shuleni. Wengi husinzia wanapokuwa darasani, lakini ni lazima ukae macho ili ujifunze. Labda pia unaenda mikutanoni ambapo unajifunza Biblia.
Unafikiri unaweza kufanya nini ili uweze kukaa macho?— * Jambo moja ni kulala mapema. Labda kulala kwa muda mfupi alasiri kutasaidia pia. Acha tuone yale tunayoweza kujifunza kutokana na yaliyompata kijana mmoja ambaye alilala usingizi katikati ya usiku wakati mtume Paulo alipokuwa akitoa hotuba. Soma katika Biblia Matendo sura ya 20, mstari wa 7 mpaka 12, uone kilichotokea.
Paulo alikuwa ametembelea kutaniko lililokuwa katika jiji lenye bandari la Troa. Biblia inasema kwamba Paulo ‘alipaswa kuondoka siku iliyofuata’ kwa mashua. Kwa hiyo, “akarefusha hotuba yake mpaka katikati ya usiku.” Tunasoma hivi: “Kijana fulani anayeitwa Eutiko, aliyekuwa ameketi dirishani, akalala usingizi mzito huku Paulo akiendelea kuongea.” Ni nini kilichotokea?—
Eutiko alianguka “chini kutoka ghorofa ya tatu.” Paulo na wengine waliteremka haraka iwezekanavyo kutoka ghorofani. Eutiko alikuwa chini—amekufa! Unaweza kuwazia huzuni iliyowapata wote?— Biblia inasema Paulo alimchukua Eutiko mikononi mwake na kumkumbatia. Kisha, Paulo akasema hivi kwa furaha: ‘Msiwe na wasiwasi, yuko salama!’ Mungu alikuwa amemfufua Eutiko!
Tunaweza kujifunza nini kumhusu Mungu kutokana na yale yaliyompata Eutiko?— Jambo moja ni kwamba Yehova, Baba yetu wa mbinguni, anaweza kuwafufua wafu, kutia ndani watoto. Yehova anakuelewa na anakupenda, ndiyo, hata anakupenda zaidi ya vile wazazi wako wanavyokupenda. Yesu alipokuwa duniani, alionyesha jinsi Baba yake alivyo kwa kuwachukua watoto wadogo mikononi mwake na kuwabariki. Pia, aliwafufua watoto, kutia ndani msichana mwenye umri wa miaka 12.
Unahisi namna gani unapojua kwamba Baba yako wa mbinguni anakupenda?— Jambo hilo linafanya tumpende Yehova pia na kutaka kufanya anayosema. Je, unajua jinsi tunavyoweza kuonyesha kwamba tunampenda?— Njia moja ni kusema kwamba tunampenda. Yesu alisema: “Ninampenda Baba.” Lakini Yesu alifanya mengi zaidi ya kusema tu kwamba anampenda Mungu. Alionyesha jambo hilo kwa matendo.
Yesu alimtii Mungu. “Sikuzote mimi hufanya mambo yanayompendeza,” Yesu akasema. Tukifanya hivyo, tutajitahidi tunavyoweza kukaa macho shuleni na mikutanoni ili kumpendeza Yehova na Mwana wake Yesu.
Soma katika Biblia Yako
[Maelezo ya Chini]
^ fu. 4 Kama unasoma sehemu hii pamoja na mtoto, unapoona kistari kama hiki (—), tua na umtie moyo mtoto atoe maoni yake.
Huenda Ukapenda Pia
MNARA WA MLINZI
Yesu Kristo—Tumkumbuke kwa Njia Gani?
Je, tunapaswa kumkumbuka Yesu akiwa mtoto? Wanaume wenye hekima waliokuja kumwona Yesu walikuwa nani? Yesu anafanya nini sasa?
MNARA WA MLINZI
Mungu Anaweza Kuhuzunika
Je, unajua unaweza kumfurahisha au kumhuzunisha Yehova? Chunguza jinsi Adamu na Hawa walivyomhuzunisha Yehova.
MNARA WA MLINZI
Tunajifunza Nini Kutoka kwa Mhalifu?
Yesu alipokuwa karibu kufa, alimwahidi mhalifu kwamba ataishi katika Paradiso. Yesu alimaanisha nini, na Paradiso hiyo itakuwaje?
MNARA WA MLINZI
Petro na Anania Walidanganya
Soma uone kwa nini mtu fulani alisamehewa alipodanganya lakini mwingine hakusamehewa.
MNARA WA MLINZI
Yothamu Aliendelea Kuwa Mwaminifu Licha ya Matatizo Nyumbani
MNARA WA MLINZI
Pupa ilimfanya Gehazi apoteze kibali cha Mungu
Gehazi alichukua vitu visivyo vyake. Tunaweza kujifunza nini kutokana kisa hicho?
