Majibu ya Maswali ya Biblia
Watoto wanawezaje kujifunza kumpenda Mungu?
Tumia uumbaji kumsaidia mtoto wako kumjua na kumpenda Mungu
Watoto wako wanaweza kujifunza kumpenda Mungu ikiwa tu wamethibitishiwa kuwa yeye yupo na anawapenda. Ili wampende Mungu, wanahitaji kumjua. (1 Yohana 4:8) Kwa mfano, wanahitaji kujua majibu ya maswali yafuatayo: Kwa nini Mungu aliwaumba wanadamu? Kwa nini Mungu anaruhusu kuteseka? Mungu atawafanyia nini wanadamu wakati ujao?—Soma Wafilipi 1:9.
Ili kuwasaidia watoto wako wampende Mungu, ni lazima waone kwamba wewe mwenyewe unampenda. Wanapoona jambo hilo inaelekea kwamba wataiga mfano wako.—Soma Kumbukumbu la Torati 6:5-7; Methali 22:6.
Unawezaje kufikia mioyo ya watoto wako?
Neno la Mungu lina nguvu. (Waebrania 4:12) Kwa hiyo wasaidie watoto wako wajifunze mafundisho ya msingi ya Biblia. Ili kufikia mioyo ya watu, Yesu aliwauliza maswali, aliwasikiliza, na alifafanua Maandiko. Ili ufikie mioyo ya watoto wako, iga njia za Yesu za kufundisha.—Soma Luka 24:15-19, 27, 32.
Kwa kuongezea, masimulizi ya Biblia ya jinsi Mungu alivyoshughulika na watu yanaweza kuwasaidia watoto wako wamjue na wampende Mungu. Machapisho yenye masimulizi hayo yanapatikana kwenye www.dan124.com/sw.—Soma 2 Timotheo 3:16.
Huenda Ukapenda Pia
WATOTO
Uwe Rafiki ya Yehova
Video hizi za katuni, nyimbo, na michezo ya picha inayoweza kuchapishwa vinawasaidia watoto wajifunze masomo muhimu ya jinsi wanavyoweza kumfurahisha Mungu.
KITABU CHANGU CHA HADITHI ZA BIBLIA
Kitabu Changu cha Hadithi za Biblia—utangulizi
Hadithi za kweli kutoka katika Biblia, kitabu kikubwa zaidi ulimwenguni, zinatoa historia ya ulimwengu kuanzia uumbaji na kuendelea.
VITABU NA BROSHUA
