ENDELEA KUKESHA!
Utachagua Kiongozi Yupi?—Biblia Inasema Nini?
Katika majuma machache yajayo, kutakuwa na uchaguzi katika nchi kadhaa ulimwenguni. Watu wanafanya maamuzi muhimu kuhusu viongozi ambao watachagua.
Biblia inasema nini?
Uwezo wa viongozi wanadamu una mipaka
Biblia inataja upungufu ambao viongozi wote wanadamu wanao.
“Msiwatumaini wakuu wala mwanadamu, ambaye hawezi kuleta wokovu. Pumzi yake hutoka, naye hurudi ardhini; siku hiyohiyo mawazo yake hupotea.”—Zaburi 146:3, 4, maelezo ya chini.
Hata viongozi wenye uwezo mkubwa zaidi hatimaye watakufa. Isitoshe, hawawezi kuhakikisha kwamba kazi zao nzuri zitaendelezwa na wale watakaokuja baada yao.—Mhubiri 2:18, 19.
Ukweli ni kwamba Biblia inasema wanadamu hawakupaswa kujitawala wenyewe.
“Mwanadamu anayetembea hana uwezo wa kuongoza hatua yake.”—Yeremia 10:23.
Je, kuna yeyote anayeweza kuwa kiongozi mzuri leo?
Kiongozi aliyechaguliwa na Mungu
Biblia inaeleza kwamba Mungu amemweka rasmi kiongozi mwenye uwezo bora na anayetegemeka kabisa: Yesu Kristo. (Zaburi 2:6) Yesu ndiye Mfalme wa Ufalme wa Mungu, serikali inayotawala kutoka mbinguni.—Mathayo 6:10.
Je, utaukubali uongozi wa Yesu? Biblia inaonyesha umuhimu wa uchaguzi huo:
“Mheshimuni mwana [Yesu Kristo], la sivyo Mungu atawaka hasira nanyi mtaangamia kutoka njiani, kwa maana hasira Yake huwaka upesi. Wenye furaha ni wale wote wanaomkimbilia Yeye.”—Zaburi 2:12.
Sasa ndio wakati wa kufanya uamuzi wako. Unabii wa Biblia unafunua kwamba Yesu alianza kutawala katika mwaka wa 1914 na kwamba hivi karibuni Ufalme wa Mungu utachukua mahali pa serikali zote za wanadamu.—Danieli 2:44.
Ili ujifunze mengi zaidi kuhusu jinsi unavyoweza kuunga mkono uongozi wa Yesu, soma makala yenye kichwa “Amua Kuunga Mkono Ufalme wa Mungu!”
Huenda Ukapenda Pia
MNARA WA MLINZI
Mfalme wa Ufalme wa Mungu Ni Nani?
Baadhi ya waandikaji wa Biblia waliandika habari zinazomtambulisha yule atakayekuwa Mfalme wa Ufalme wa Mungu. Katika historia ya wanadamu ni mtu mmoja tu aliyetimiza kikamili mambo waliyoandika.
ESSENTIAL BIBLE TEACHINGS
Ufalme wa Mungu Ni Nini?
Wakati wa huduma yake duniani, Yesu alifundisha kuhusu Ufalme wa Mungu kuliko habari nyingine yoyote. Kwa karne nyingi, wafuasi wake wamesali kwamba Ufalme huo uje.
HABARI ZAIDI
Tumaini Bora la Wakati Ujao
Kwa nini ahadi zinazopatikana katika Biblia ni tofauti na ahadi na utabiri unaotolewa na wanadamu?
MAJIBU YA MASWALI YA BIBLIA
Ufalme wa Mungu Utatimiza Nini?
Jifunze mambo unayoweza kutazamia serikali ya Mungu itakapoanza kuitawala dunia.
MISTARI YA BIBLIA YAFAFANULIWA
Mathayo 6:33 Yafafanuliwa—“Kuutafuta Kwanza Ufalme wa Mungu”
Je, Yesu alimaanisha kwamba Wakristo hawahitaji kufanya kazi ili kupata riziki?
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
