Wanafunzi waliotembelea ofisi na majengo ya uchapishaji ya Mashahidi wa Yehova nchini Mexico walihisi kwamba ziara hiyo imewasaidia “kuwa na maoni yanayofaa,” linaripoti gazeti la chuo hicho kikuu linaloitwa Gaceta.

Wanafunzi hao walisema hivi:

• “Tulivutiwa na sifa zao nzuri kama vile . . . heshima, ustaarabu, usawa, usafi.”

• “Utayari wa watu kufanya kazi kwa ushirikiano ni mfano mzuri wa kuigwa.”

• “Wote walikazia fikira kazi walizokuwa wakifanya na nyuso zao zilikuwa na furaha.”

• “Kwa kweli, tumefurahia sana kuona utaratibu mzuri katika jengo hili la kuchapishia vitabu.”

Wanafunzi hao walikuwa wametoka katika Shule ya Kitaifa Inayoshughulika na Maktaba na Uhifadhi wa Vitu vya Kale iliyoko huko Mexico City.

Mashahidi wa Yehova huwatembeza watu kwenye ofisi na viwanda vyao vya kuchapishia vitabu. Wanafanya hivyo bila malipo katika nchi zaidi ya 100 duniani. Yeyote ambaye angependa kutembelea mojawapo ya ofisi zetu anaweza kupata habari zaidi kuhusu wakati na mahali zinapopatikana katika Tovuti yetu. Tazama sehemu inayosema KUTUHUSU > OFISI NA MATEMBEZI. Mtu mmoja-mmoja na familia zinakaribishwa kutembelea ofisi zetu.