Biblia haikataze kufurahia ngono ao kitendo cha ndoa, lakini inaonyesha kwamba ngono ni zawadi ambayo Mungu anawatolea wale ambao wameoana. Mungu aliumba ‘mwanaume na mwanamuke’ na aliona kila kitu ambacho alikuwa ameumba kuwa “chema sana.” (Mwanzo 1:​27, 31) Alipounganisha mwanaume na mwanamuke wa kwanza katika ndoa, Mungu alisema kwamba ‘watakuwa mwili mumoja.’ (Mwanzo 2:​24) Hilo lilimaanisha kwamba walipaswa kufurahia ngono na urafiki wa karibu sana.

 Biblia inazungumuzia furaha ambayo wanaume wanapata katika ndoa inaposema hivi: ‘Ushangilie pamoja na muke wa ujana wako . . . Na maziwa yake yakuleweshe nyakati zote. Upendo wake na ukufurahishe sikuzote.’ (Methali 5:​18, 19) Mungu anataka pia wanawake wafurahie ngono. Biblia inasema hivi: ‘Bwana na bibi wanapaswa kutimiziana tamaa zao za ngono.’​—1 Wakorintho 7:3, God’s Word Bible.

Yale ambayo Biblia inakataza

 Ni wale ambao wamefunga ndoa tu ndio wanapaswa kufanya kitendo cha ndoa. Andiko la Waebrania 13:4 linasema hivi: “Ndoa na iheshimiwe kati ya wote, na kitanda cha ndoa kiwe bila unajisi, kwa maana Mungu atawahukumu waasherati na wazinzi.” Kila mutu anapaswa kuwa mwaminifu kwa bibi ao bwana yake. Bibi na bwana watapata furaha kubwa zaidi, si kwa kutafuta tu faida zao wenyewe, lakini kwa kufuata kanuni hii ya Biblia: “Kuna furaha zaidi katika kutoa kuliko ilivyo katika kupokea.”​—Matendo 20:35.