Cha Kwanza cha Samweli 20:1-42
-
Ushikamanifu wa Yonatani kwa Daudi (1-42)
20 Kisha Daudi akakimbia kutoka Naioti kule Rama. Lakini, akaenda kwa Yonatani na kusema: “Nimefanya nini?+ Nimefanya kosa gani, na nimemutendea baba yako zambi gani ili atafute uzima wangu?”
2 Basi Yonatani akamuambia: “Ni jambo lenye haliwezi kuwaziwa!+ Hautakufa. Angalia! Baba yangu hawezi kufanya jambo lolote, la mukubwa ao la kidogo, bila kunifunulia. Sababu gani baba yangu anifiche jambo hilo? Jambo hilo halitafanyika.”
3 Lakini Daudi akaapa tena na kusema: “Hakika baba yako anajua kwamba nimekubaliwa mbele ya macho yako+ na atasema, ‘Yonatani asijue jambo hili ili asihuzunike.’ Lakini kama vile hakika Yehova anaishi na kama vile hakika unaishi,* kuko hatua moja tu katikati yangu na kifo!”+
4 Basi Yonatani akamuambia Daudi: “Jambo lolote lenye utasema,* nitalifanya kwa ajili yako.”
5 Daudi akamuambia Yonatani: “Kesho ni mwezi mupya,+ na hakika ninatazamiwa kukaa pamoja na mufalme ili kula; unapaswa kuniacha niende, na nitajificha katika eneo la mashamba mupaka mangaribi ya siku ya tatu (3).
6 Kama baba yako anaona kwamba siko, basi useme, ‘Daudi alinililia nimuruhusu aende haraka katika muji wake wa Betlehemu,+ kwa sababu kuko zabihu ya kila mwaka kule kwa ajili ya familia yote.’+
7 Kama anasema, ‘Ni muzuri,’ hilo litamaanisha amani kwa mutumishi wako. Lakini kama anakasirika, ukuwe hakika kwamba ameazimia kunifanya mubaya.
8 Umuonyeshe mutumishi wako upendo mushikamanifu,+ kwa sababu umeingiza mutumishi wako katika agano la Yehova pamoja na wewe.+ Lakini kama niko na hatia,+ uniue wewe mwenyewe. Sababu gani unitie katika mukono wa baba yako?”
9 Kwa hiyo Yonatani akasema: “Ni jambo lenye haliwezi kuwaziwa kupendekeza vile kukuhusu! Kama ninapata habari kwamba baba yangu ameazimia kukufanya mubaya, je, sitakuambia?”+
10 Kisha Daudi akamuambia Yonatani: “Ni nani ataniambia kama baba yako anakupatia jibu la ukali?”
11 Yonatani akamuambia Daudi: “Kuja, tuende katika eneo la mashamba.” Kwa hiyo wote wawili wakaenda katika eneo la mashamba.
12 Na Yonatani akamuambia Daudi: “Yehova Mungu wa Israeli akuwe shahidi kwamba nitamuchunguza baba yangu karibu wakati kama huu kesho ao siku ya tatu (3). Kama iko* na mutazamo muzuri kukuelekea, je, sitakutumia neno na kukufunulia jambo hilo?
13 Lakini kama baba yangu anakusudia kukufanya mubaya, Yehova afanye vile na amuongezee Yonatani kama sikufunulie jambo hilo na kuacha uende zako kwa amani. Yehova akuwe pamoja na wewe,+ kama vile alikuwa pamoja na baba yangu.+
14 Na je, hautanionyesha upendo mushikamanifu wa Yehova wakati ningali muzima na hata wakati nitakufa?+
15 Usiondoe hata siku moja upendo mushikamanifu juu ya nyumba yangu,+ hata wakati Yehova ataondoa maadui wote wa Daudi juu ya uso wa dunia.”
16 Kwa hiyo Yonatani akafanya agano pamoja na nyumba ya Daudi, na kusema: “Yehova ataomba jambo hilo na ataomba maadui wa Daudi watoe hesabu.”
17 Kwa hiyo Yonatani akamuapisha tena Daudi kwa musingi wa upendo wenye alikuwa nao kumuelekea, kwa sababu alimupenda kama vile alijipenda mwenyewe.*+
18 Kisha Yonatani akamuambia: “Kesho ni mwezi mupya,+ na utakosekana, kwa sababu kiti chako kitakuwa wazi.
19 Kufikia siku ya tatu (3), utakosekana hata zaidi, na unapaswa kuenda mahali kwenye ulijificha ile siku ingine* na kubakia hapa karibu na jiwe.
20 Kisha nitapiga mishale tatu (3) upande mumoja wa jiwe hili, kama vile ninaipiga kuelekea shabaha.
21 Wakati nitamutuma mutumishi, nitasema, ‘Uende, utafute mishale.’ Kama ninamuambia mutumishi, ‘Angalia! Mishale iko upande huu wako, ikamate,’ basi unaweza kurudia, kwa maana kama vile hakika Yehova anaishi, hilo linamaanisha kwamba kuko amani katika mambo yako yote na hakuna hatari.
22 Lakini kama ninamuambia kijana huyo, ‘Angalia! Mishale iko mbele yako,’ basi ondoka, kwa sababu Yehova amekutuma uende zako.
23 Kuhusu ahadi yenye tumefanya,+ wewe na mimi, Yehova akuwe katikati yetu milele.”+
24 Kwa hiyo Daudi akajificha katika eneo la mashamba. Wakati mwezi mupya ulifika, mufalme alikaa kwenye kiti chake ili akule chakula.+
25 Mufalme alikuwa amekaa katika kiti chake mahali alikaa kwa ukawaida karibu na ukuta. Yonatani alikuwa anamuelekea, na Abneri+ alikaa pembeni ya Sauli, lakini nafasi ya Daudi ilikuwa wazi.
26 Sauli hakusema kitu siku hiyo, kwa maana alisema katika moyo wake: ‘Jambo fulani limetokea lenye limemufanya asikuwe safi.+ Ndiyo, anapaswa kuwa haiko safi.’
27 Na siku yenye ilifuata mwezi mupya, katika siku ya pili, nafasi ya Daudi iliendelea kuwa wazi. Kwa hiyo Sauli akamuambia Yonatani mwana wake: “Sababu gani mwana wa Yese+ hakukuja kwenye chakula jana wala leo?”
28 Yonatani akamujibu Sauli: “Daudi alinililia nimuruhusu aende Betlehemu.+
29 Alisema, ‘Tafazali uniruhusu niende, kwa sababu tuko na zabihu ya familia katika muji, na ndugu yangu mwenyewe aliniita. Basi kama nimekubaliwa mbele ya macho yako, tafazali acha niende kwa uficho kuona ndugu zangu.’ Ndiyo sababu hakukuja kwenye meza ya mufalme.”
30 Kisha Sauli akamukasirikia sana Yonatani, na akamuambia: “Wewe mwana wa mwanamuke muasi, unafikiri sijue kwamba umeamua kuunga mukono mwana wa Yese, kwa haya yako mwenyewe na kwa haya ya mama yako?*
31 Sikuzote zenye mwana wa Yese atakuwa muzima juu ya dunia, wewe na ufalme wako hautasimama imara kabisa.+ Basi sasa tuma mutu fulani amulete kwangu, kwa maana anapaswa kufa.”*+
32 Lakini, Yonatani akamuambia Sauli baba yake: “Sababu gani auawe?+ Amefanya nini?”
33 Basi Sauli akamutupia mukuki ili amupige,+ kwa hiyo Yonatani akajua kwamba baba yake alikuwa ameazimia kumuua Daudi.+
34 Yonatani akasimama mara moja kutoka kwenye meza akiwa amekasirika sana, na hakukula chakula chochote siku ya pili kisha mwezi mupya, kwa maana alikuwa amehuzunika sana kwa sababu ya Daudi+ na baba yake mwenyewe alikuwa amemuletea haya.
35 Asubui Yonatani akaenda katika eneo la mashamba ili kukutana na Daudi kama vile walikubaliana, na mutumishi fulani kijana alikuwa pamoja naye.+
36 Na akamuambia mutumishi wake: “Tafazali kimbia na utafute mishale yenye nitapiga.” Mutumishi huyo akakimbia, na Yonatani akapiga mishale mbele yake.
37 Wakati mutumishi huyo alifika mahali kwenye Yonatani alikuwa amepiga mushale, Yonatani akamuambia mutumishi huyo kwa sauti: “Je, mushale hauko mbele yako!”
38 Yonatani akamuambia mutumishi huyo kwa sauti: “Fanya haraka! Kimbia! Usikawie!” Na mutumishi wa Yonatani akaokota ile mishale na kurudia kwa bwana wake.
39 Mutumishi huyo hakuelewa kitu kuhusu jambo hilo; ni Yonatani na Daudi tu ndio walijua maana ya jambo hilo.
40 Kisha Yonatani akamupatia mutumishi wake silaha zake na kumuambia: “Uende, uzipeleke katika muji.”
41 Wakati mutumishi huyo aliondoka, Daudi akatoka karibu na pale, upande wa kusini. Kisha akaanguka uso chini na kuinama mara tatu (3), nao wakabusiana na kila mumoja wao akalia kwa ajili ya mwenzake, lakini Daudi ndiye alilia sana.
42 Yonatani akamuambia Daudi: “Uende kwa amani, kwa maana sisi wote wawili tumeapa+ kwa jina la Yehova, na kusema, ‘Yehova akuwe katikati yako na mimi na katikati ya uzao wako* na uzao wangu* milele.’”+
Kisha Daudi akasimama na kuondoka, na Yonatani akarudia katika muji.
Maelezo ya Chini
^ Ao “nafsi yako inaishi.”
^ Ao “lenye nafsi yako itasema.”
^ Ao “eko.”
^ Ao “kama nafsi yake mwenyewe.”
^ Tnn., “siku ya kazi.”
^ Tnn., “kwa haya ya uchi wa mama yako?”
^ Tnn., “kwa maana yeye ni mwana wa kifo.”
^ Tnn., “mbegu yako.”
^ Tnn., “mbegu yangu.”
