Cha Pili cha Mambo ya Nyakati 21:1-20
21 Kisha Yehoshafati akalalishwa na kupumuzika pamoja na mababu zake na akazikwa pamoja na mababu zake katika Muji wa Daudi; na Yehoramu mwana wake akakuwa mufalme pa nafasi yake.+
2 Ndugu zake, wana wa Yehoshafati, walikuwa Azaria, Yehieli, Zekaria, Azaria, Mikaeli, na Shefatia; hao wote walikuwa wana wa Mufalme Yehoshafati wa Israeli.
3 Na baba yao alikuwa amewapatia zawadi nyingi za feza na zahabu, na vitu vyenye samani, pamoja na miji yenye ngome katika Yuda;+ lakini alimupatia Yehoramu+ ufalme, kwa sababu yeye ndiye alikuwa muzaliwa wa kwanza.
4 Wakati Yehoramu alikuwa amechukua mamlaka ya ufalme wa baba yake, alitia nguvu mamlaka yake kwa kuua ndugu zake wote+ kwa upanga, na pia wamoja kati ya wakubwa wa Israeli.
5 Yehoramu alikuwa na miaka makumi tatu na mbili (32) wakati alikuwa mufalme, na alitawala kwa miaka munane (8) katika Yerusalemu.+
6 Alitembea katika njia ya wafalme wa Israeli,+ kama vile wale wa nyumba ya Ahabu walikuwa wamefanya, kwa maana binti ya Ahabu alikuwa amekuwa bibi yake;+ na aliendelea kufanya mambo ya mubaya mbele ya macho ya Yehova.
7 Lakini Yehova hakutaka kuharibu nyumba ya Daudi kwa sababu ya agano lenye alikuwa amefanya pamoja na Daudi,+ kwa maana alikuwa ameahidi kumupatia taa, yeye na wana wake, sikuzote.+
8 Katika siku zake Edomu waliasi Yuda+ na kisha wakajiwekea mufalme wao wenyewe.+
9 Basi Yehoramu na makamanda wake wakavuka pamoja na magari yake yote, na akasimama usiku na kushinda Waedomu wenye walikuwa wamemuzunguka yeye na makamanda wa magari.
10 Lakini Edomu wameendelea na uasi wao juu ya Yuda mupaka leo. Libna+ pia walimuasi wakati huo, kwa sababu alikuwa amemuacha Yehova Mungu wa mababu zake.+
11 Alikuwa amejenga pia mahali pa juu+ kwenye milima ya Yuda ili kuchochea wakaaji wa Yerusalemu wafanye ukahaba wa kiroho, na akapotosha Yuda.
12 Mwishowe ujumbe wenye kuandikwa wenye kutoka kwa Eliya+ nabii ukakuja kwake, na kusema: “Yehova Mungu wa Daudi babu yako anasema hivi: ‘Haukutembea katika njia za Yehoshafati baba yako+ ao katika njia za Mufalme Asa+ wa Yuda.
13 Lakini unatembea katika njia ya wafalme wa Israeli+ na kuchochea Yuda na wakaaji wa Yerusalemu wafanye ukahaba wa kiroho+ kama ukahaba wa nyumba ya Ahabu,+ na hata uliua ndugu zako mwenyewe,+ nyumba ya baba yako, wenye walikuwa watu wazuri kuliko wewe.
14 Kwa hiyo, Yehova analeta pigo kubwa kwa watu wako, kwa wana wako, kwa bibi zako, na kwa mali zako zote.
15 Na utateseka kwa magonjwa mengi, kutia ndani ugonjwa wa matumbotumbo yako, mupaka matumbotumbo yako yatatoka inje kwa sababu ya ugonjwa huo, siku kwa siku.’”
16 Kisha Yehova akachochea+ Wafilisti*+ na Waarabu+ wenye walikuwa karibu na Waetiopia ili wamushambulie Yehoramu.
17 Basi wakavamia Yuda, wakaingia ndani kwa nguvu na kukamata mali zote zenye zilipatikana katika nyumba ya mufalme,+ na pia wana wake na bibi zake; na mwana pekee mwenye walimuachia ni Yehoahazi,*+ mwana wake mudogo zaidi.
18 Na kisha mambo hayo yote, Yehova akamupiga kwa ugonjwa wenye hauwezi kupona katika matumbotumbo yake.+
19 Kisha wakati fulani, wakati miaka mbili kamili ilikuwa imepita, matumbotumbo yake yalitoka inje kwa sababu ya ugonjwa wake, na akakufa wakati alikuwa anateseka sana kwa sababu ya ugonjwa wake; na watu wake hawakuwasha moto kwa ajili yake kama ule wenye uliwashwa kwa ajili ya mababu zake.+
20 Alikuwa na miaka makumi tatu na mbili (32) wakati alikuwa mufalme, na alitawala kwa miaka munane (8) katika Yerusalemu. Hakuna mutu yeyote mwenye alihuzunika wakati alikufa. Basi wakamuzika katika Muji wa Daudi,+ lakini hapana katika makaburi ya wafalme.+
