Cha Pili cha Wafalme 4:1-44
-
Elisha anafanya mafuta ya mujane yaongezeke (1-7)
-
Mwanamuke Mushunamu anaonyesha ukaribishaji-wageni (8-16)
-
Mwanamuke anapewa zawabu ya kupata mwana; ule mwana anakufa (17-31)
-
Elisha anamufufua ule mutoto mwenye alikufa (32-37)
-
Elisha anafanya muchuzi uweze kukuliwa (38-41)
-
Elisha anafanya mikate iongezeke (42-44)
4 Sasa mumoja kati ya bibi za wana wa manabii+ akamulilia Elisha, na kusema: “Mutumishi wako bwana yangu amekufa, na unajua muzuri kwamba mutumishi wako alimuogopa Yehova sikuzote.+ Sasa mukopeshaji fulani amekuja kukamata watoto wangu wawili wakuwe watumwa wake.”
2 Kwa hiyo Elisha akamuambia: “Ninaweza kukufanyia nini? Uniambie, uko na nini katika nyumba?” Akajibu: “Mutumishi wako hana kitu chochote katika nyumba isipokuwa mutungi* wa mafuta.”+
3 Kisha akasema: “Uende inje, uombe vyombo kwa majirani wako wote, vyombo vyenye kuwa wazi. Usiombe vyombo kidogo.
4 Kisha uingie ndani na ufunge mulango nyuma yako wewe na watoto wako. Jaza vyombo hivyo vyote, na uweke pembeni vile vyenye kujaa.”
5 Basi akamuacha na kuenda.
Wakati alifunga mulango nyuma yake yeye na watoto wake, wakamupatia vyombo, na akaendelea kumwanga.+
6 Wakati vyombo hivyo vilijaa, akamuambia mwana wake mumoja: “Niletee chombo kingine.”+ Lakini ule mwana akamuambia: “Hakuna tena vyombo vingine.” Halafu mafuta yakaacha kutoka.+
7 Kwa hiyo mwanamuke huyo akaingia na akamuambia ule mutu wa Mungu wa kweli, naye akasema: “Uende, uuzishe yale mafuta na ulipe madeni yako, na wewe pamoja na watoto wako munaweza kuishi na kile chenye kubakia.”
8 Siku moja Elisha alienda Shunemu,+ kwenye kulikuwa mwanamuke mumoja wa maana, na mwanamuke huyo alimuomba akule chakula pale.+ Kila wakati wenye alikuwa anapita pale, alikuwa anasimama pale ili kula.
9 Basi ule mwanamuke akamuambia bwana yake: “Ninajua kwamba ni mutu mutakatifu wa Mungu ndiye anapita njia hii kwa ukawaida.
10 Tafazali, tutengeneze chumba kidogo kwenye sehemu ya juu ya nyumba+ na tumuwekee ndani kitanda, meza, kiti, na kinara cha taa. Kisha, wakati wowote wenye anakuja kwetu, anaweza kukaa mule.”+
11 Siku moja alifika kule, na akaenda katika chumba hicho kwenye sehemu ya juu ya nyumba ili alale.
12 Basi akamuambia Gehazi+ mutumishi wake: “Ita ule mwanamuke Mushunamu.”+ Kwa hiyo akamuita, na akasimama mbele yake.
13 Kisha akamuambia Gehazi: “Tafazali umuambie, ‘Angalia, umesumbuka sana kwa ajili yetu.+ Ni nini kinaweza kufanywa kwa ajili yako?+ Je, niseme na mufalme+ ao na mukubwa wa jeshi kwa ajili yako?’” Lakini jibu la mwanamuke huyo lilikuwa: “Ninaishi kati ya watu wangu mwenyewe.”
14 Kwa hiyo akasema: “Sasa ni nini kinaweza kufanywa kwa ajili yake?” Halafu Gehazi akasema: “Kwa kweli, hana mwana,+ na bwana yake ni muzee.”
15 Mara moja akasema: “Umuite.” Basi akamuita, na akasimama kwenye muingilio.
16 Kisha akasema: “Wakati huu mwaka-kesho, utamukumbatia mwana.”+ Lakini ule mwanamuke akasema: “Hapana, bwana wangu, mutu wa Mungu wa kweli! Usimudanganye mutumishi wako.”
17 Hata hivyo, mwanamuke huyo akapata mimba na akazaa mwana wakati uleule mwaka wenye ulifuata, kama vile Elisha alikuwa amemuambia.
18 Ule mutoto akakomaa, na siku moja alitoka na kuenda kwa baba yake, mwenye alikuwa pamoja na wavunaji.
19 Aliendelea kumuambia baba yake: “Kichwa changu, Ooh! kichwa changu!” Kisha baba yake akamuambia mutumishi: “Umubebe na kumupeleka kwa mama yake.”
20 Basi akamubeba na kumurudisha kwa mama yake, na akakaa kwenye mapaja ya mama yake mupaka katikati ya muchana, na kisha akakufa.+
21 Basi akapanda na kumulalisha kwenye kitanda cha ule mutu wa Mungu wa kweli,+ na akafunga mulango nyuma yake na kuondoka.
22 Sasa akamuita bwana yake na kusema: “Tafazali, unitumie mutumishi mumoja na punda moja, na uniache niende mbio kwa ule mutu wa Mungu wa kweli na kurudia.”
23 Lakini akasema: “Sababu gani unaenda kumuona leo? Haiko mwezi mupya+ na haiko sabato.” Hata hivyo akasema: “Mambo yote ni sawa.”
24 Basi akatandika punda na kumuambia mutumishi wake: “Uende haraka. Usipunguze mwendo kwa sababu yangu isipokuwa nikuambie.”
25 Basi akaenda kwa mutu wa Mungu wa kweli kwenye Mulima Karmeli. Wakati tu mutu wa Mungu wa kweli alimuona kwa mbali, akamuambia Gehazi mutumishi wake: “Angalia! Ule mwanamuke Mushunamu iko* pale.
26 Tafazali, kimbia ukutane naye na umuulize, ‘Uko muzima? Bwana yako ni muzima? Mutoto wako ni muzima?’” Halafu ule mwanamuke akasema: “Mambo yote ni sawa.”
27 Wakati alikuja kwa mutu wa Mungu wa kweli kwenye mulima, mara moja akamushika kwenye miguu.+ Halafu Gehazi akamukaribia ili amusukume mbali, lakini ule mutu wa Mungu wa kweli akasema: “Umuache, kwa maana iko* katika uchungu mwingi,* na Yehova amenificha jambo hilo na hakuniambia.”
28 Kisha akasema: “Je, nilimuomba bwana wangu mutoto? Je, sikusema, ‘Usinipatie tumaini la uongo’?”+
29 Mara moja akamuambia Gehazi: “Funga nguo zako kuzunguka kiuno chako+ na ukamate fimbo yangu katika mukono wako na uende. Kama unakutana na mutu yeyote, usimusalimie; na kama mutu yeyote anakusalimia, usimujibu. Uende na uweke fimbo yangu kwenye uso wa kijana huyo mudogo.”
30 Halafu mama ya ule kijana mudogo akasema: “Kama vile hakika Yehova anaishi na kama vile wewe mwenyewe unaishi,* sitakuacha.”+ Basi akasimama na kuenda pamoja na ule mwanamuke.
31 Gehazi akaenda mbele yao na akaweka ile fimbo kwenye uso wa ule kijana mudogo, lakini hapakukuwa sauti ao alama yoyote.+ Akarudia ili kukutana na Elisha na akamuambia: “Ule kijana mudogo hakuamuka.”
32 Wakati Elisha aliingia katika nyumba, ule kijana mudogo alikuwa amelala kwenye kitanda chake akiwa amekufa.+
33 Akaingia ndani na kufunga mulango nyuma yao wawili na akaanza kusali kwa Yehova.+
34 Kisha akapanda kwenye kitanda na akalala juu ya ule mutoto na akatia kinywa chake juu ya kinywa cha ule kijana mudogo, macho yake juu ya macho yake, na viganja vyake vya mikono juu ya viganja vyake vya mikono na akaendelea kuinama juu yake, na mwili wa ule kijana mudogo ukaanza kupata joto.+
35 Elisha akatembea mbele na nyuma katika nyumba, na akapanda kwenye kitanda na akainama tena juu yake. Ule kijana mudogo akapiga chafya mara saba (7), kisha akafungua macho yake.+
36 Sasa Elisha akamuita Gehazi na kusema: “Ita ule mwanamuke Mushunamu.” Basi akamuita na akaingia kwenye Elisha alikuwa. Kisha akasema: “Chukua mwana wako.”+
37 Na akaingia na kuanguka kwenye miguu yake na akainama mupaka chini mbele yake, kisha akachukua mwana wake na akatoka inje.
38 Wakati Elisha alirudia Gilgali, kulikuwa njaa katika inchi.+ Wana wa manabii+ walikuwa wamekaa mbele yake, na akamuambia mutumishi wake:+ “Weka kile chungu kikubwa kwenye moto na utokoteshe muchuzi kwa ajili ya wana wa manabii.”
39 Basi mumoja wao akaenda kwenye eneo la mashamba ili kuchuma miholi, na akapata muzabibu wa pori na akachuma maboga ya pori juu ya muzabibu huo, akajaza nguo yake. Kisha akarudia na akayakata vipande-vipande ndani ya chungu cha muchuzi, bila kujua yalikuwa nini.
40 Kisha wakati fulani wakapakulia wanaume hao ili wakule, lakini wakati tu walikula muchuzi huo, wakasema kwa sauti kubwa: “Kifo kiko ndani ya chungu hiki, Ee mutu wa Mungu wa kweli.” Na hawakuweza kula.
41 Kwa hiyo akasema: “Mulete unga kidogo.” Kisha kuutupa ndani ya chungu hicho, akasema: “Pakulia watu.” Na hapakukuwa kitu chochote chenye kuumiza ndani ya chungu hicho.+
42 Mutu fulani alikuja kutoka Baal-shalisha,+ na akamuletea mutu wa Mungu wa kweli mikate makumi mbili (20) ya shayiri+ yenye ilitengenezwa kwa matunda ya kwanza yenye kukomaa, pamoja na mufuko wa nafaka mupya.+ Kisha Elisha akasema: “Patia watu ili wakule.”
43 Lakini, mutumishi wake akasema: “Namna gani ninaweza kutia chakula hiki mbele ya watu mia moja (100)?”+ Halafu akasema: “Patia watu ili wakule, kwa maana Yehova anasema hivi: ‘Watakula na kingine kitabakia.’”+
44 Basi akakitia mbele yao, na wakakula na wakaacha kingine,+ kulingana na neno la Yehova.
Maelezo ya Chini
^ Ao “mutungi wenye mudomo.”
^ Ao “eko.”
^ Ao “kwa maana nafsi yake ni yenye uchungu ndani yake.”
^ Ao “eko.”
^ Ao “kama vile nafsi yako inaishi.”
