Cha Pili cha Wafalme 8:1-29
8 Elisha alimuambia ule mwanamuke mwenye alikuwa amemufufua mwana wake:+ “Simama na uende, wewe pamoja na nyumba yako, na uishi kama mugeni mahali popote penye unaweza, kwa maana Yehova ametangaza njaa,+ na itakuja juu ya inchi kwa miaka saba (7).”
2 Basi ule mwanamuke akasimama na kufanya mambo yenye mutu wa Mungu wa kweli alisema. Akaenda pamoja na nyumba yake na akaishi katika inchi ya Wafilisti+ kwa miaka saba (7).
3 Kwenye mwisho wa miaka saba (7), ule mwanamuke akarudia kutoka katika inchi ya Wafilisti na akaenda kuomba mufalme kwa ajili ya nyumba yake na shamba lake.
4 Sasa mufalme alikuwa anazungumuza na Gehazi mutumishi wa ule mutu wa Mungu wa kweli, akisema: “Tafazali, unielezee mambo yote makubwa yenye Elisha amefanya.”+
5 Wakati tu alikuwa anamuelezea mufalme namna Elisha alikuwa amemufufua mutu mwenye alikuwa amekufa,+ ule mwanamuke mwenye Elisha alikuwa amefufua mwana wake akakuja kwa mufalme, akaomba kwa ajili ya nyumba yake na shamba lake.+ Mara moja Gehazi akasema: “Bwana wangu mufalme, huyu ndiye ule mwanamuke, na huyu ndiye mwana wake, mwenye Elisha alifufua.”
6 Halafu mufalme akamuuliza ule mwanamuke, na ule mwanamuke akamuelezea habari hiyo. Kisha mufalme akachagua kwa ajili yake ofisa mumoja wa makao ya mufalme, na kumuambia: “Rudisha vitu vyake vyote na mazao yote ya shamba tangu siku yenye alitoka katika inchi mupaka sasa.”
7 Elisha akaenda Damasko+ wakati Ben-hadadi+ mufalme wa Siria alikuwa mugonjwa. Basi Ben-hadadi akaambiwa: “Ule mutu wa Mungu wa kweli+ amekuja hapa.”
8 Halafu mufalme akamuambia Hazaeli:+ “Kamata zawadi na uende kukutana na ule mutu wa Mungu wa kweli.+ Uliza Yehova kupitia yeye, kwa kusema, ‘Je, nitapona ugonjwa huu?’”
9 Hazaeli akaenda kukutana naye na akaenda na zawadi, kila namna ya vitu vya muzuri vya Damasko, mizigo ya ngamia makumi ine (40). Akakuja na kusimama mbele yake na kusema: “Mwana wako, Ben-hadadi mufalme wa Siria, amenituma kwako, kuuliza, ‘Je, nitapona ugonjwa huu?’”
10 Elisha akamujibu: “Uende na umuambie, ‘Hakika utapona,’ lakini Yehova amenionyesha kwamba hakika atakufa.”+
11 Na akaendelea kumukazia macho mupaka akasikia haya. Kisha ule mutu wa Mungu wa kweli akaanza kulia.
12 Hazaeli akauliza: “Sababu gani bwana wangu analia?” Akajibu: “Kwa sababu ninajua mabaya yenye utatendea watu wa Israeli.+ Utateketeza kwa moto mahali pao penye ngome, utaua kwa upanga wanaume wao wazuri zaidi, utavunja watoto wao vipande-vipande, na wanamuke wao wenye mimba utawapasua.”+
13 Hazaeli akasema: “Namna gani mutumishi wako, mwenye ni imbwa tu, anaweza kufanya jambo kama hilo?” Lakini Elisha akasema: “Yehova amenionyesha kwamba wewe utakuwa mufalme juu ya Siria.”+
14 Kisha akamuacha Elisha na kurudia kwa bwana wake, naye akamuambia: “Elisha alikuambia nini?” Akajibu: “Aliniambia kwamba hakika utapona.”+
15 Lakini siku yenye ilifuata, Hazaeli akakamata blangeti, akalitumbukiza ndani ya maji, na akalitia juu ya uso wake mupaka akakufa.+ Na Hazaeli akakuwa mufalme pa nafasi yake.+
16 Katika mwaka wa tano (5) wa Yehoramu+ mwana wa Ahabu mufalme wa Israeli, wakati Yehoshafati alikuwa mufalme wa Yuda, Yehoramu+ mwana wa Mufalme Yehoshafati wa Yuda akakuwa mufalme.
17 Alikuwa na miaka makumi tatu na mbili (32) wakati alikuwa mufalme, na alitawala kwa miaka munane (8) katika Yerusalemu.
18 Alitembea katika njia ya wafalme wa Israeli,+ kama vile wale wa nyumba ya Ahabu walikuwa wamefanya,+ kwa maana binti ya Ahabu alikuwa amekuwa bibi yake;+ na aliendelea kufanya mambo ya mubaya mbele ya macho ya Yehova.+
19 Lakini Yehova hakutaka kuharibu Yuda kwa ajili ya Daudi mutumishi wake,+ kwa maana alikuwa amemuahidi kumupatia taa yeye+ na wana wake sikuzote.
20 Katika siku zake Edomu waliasi Yuda+ na kisha wakajiwekea mufalme wao wenyewe.+
21 Basi Yehoramu akavuka kuenda Sairi pamoja na magari yake yote, na akasimama usiku na kushinda Waedomu wenye walikuwa wanamuzunguka na makamanda wa magari; na maaskari wakakimbilia katika mahema yao.
22 Lakini Edomu wameendelea na uasi wao juu ya Yuda mupaka leo. Libna+ pia waliasi wakati huo.
23 Na mambo mengine ya historia ya Yehoramu, mambo yote yenye alifanya, je, hayaandikwe katika kitabu cha historia ya nyakati za wafalme wa Yuda?
24 Kisha Yehoramu akalalishwa na kupumuzika pamoja na mababu zake na akazikwa pamoja na mababu zake katika Muji wa Daudi.+ Na Ahazia+ mwana wake akakuwa mufalme pa nafasi yake.
25 Katika mwaka wa kumi na mbili (12) wa Yehoramu mwana wa Ahabu mufalme wa Israeli, Ahazia mwana wa Mufalme Yehoramu wa Yuda akakuwa mufalme.+
26 Ahazia alikuwa na miaka makumi mbili na mbili (22) wakati alikuwa mufalme, na alitawala kwa mwaka mumoja katika Yerusalemu. Jina la mama yake lilikuwa Atalia,+ mujukuu wa* Mufalme Omri+ wa Israeli.
27 Alitembea katika njia ya nyumba ya Ahabu+ na aliendelea kufanya mambo ya mubaya mbele ya macho ya Yehova, kama nyumba ya Ahabu, kwa maana alikuwa mutu wa jamaa ya nyumba ya Ahabu kupitia ndoa.+
28 Basi akaenda pamoja na Yehoramu mwana wa Ahabu ili kupigana vita na Mufalme Hazaeli wa Siria kule Ramoti-gileadi,+ lakini Wasiria wakamuumiza Yehoramu.+
29 Basi Mufalme Yehoramu akarudia Yezreeli+ ili apone vidonda vyenye Wasiria walikuwa wamemuumiza kule Rama wakati alipigana na Mufalme Hazaeli wa Siria.+ Ahazia mwana wa Yehoramu mufalme wa Yuda akashuka kuenda Yezreeli ili kumuona Yehoramu mwana wa Ahabu, kwa sababu alikuwa ameumizwa.*
