Esta 5:1-14
5 Siku ya tatu (3)+ Esta akavaa kanzu zake za kifalme na kusimama katika kiwanja cha ndani cha nyumba ya mufalme, kuangaliana na nyumba ya mufalme, na mufalme alikuwa amekaa katika kiti chake cha ufalme ndani ya nyumba ya kifalme kuangaliana na muingilio.
2 Wakati tu mufalme alimuona Malkia Esta amesimama katika kiwanja, akamukubali, na mufalme akamunyooshea Esta fimbo yake ya ufalme ya zahabu+ yenye ilikuwa katika mukono wake. Basi Esta akakaribia na kugusa sehemu ya juu ya fimbo hiyo.
3 Mufalme akamuuliza: “Kuko shida gani Malkia Esta? Unaomba nini? Hata nusu ya ufalme wangu, utapewa!”
4 Esta akajibu: “Kama inamupendeza mufalme, mufalme akuje leo pamoja na Hamani+ kwenye karamu yenye nimemutayarishia.”
5 Kwa hiyo mufalme akaambia watu wake: “Mumuambie Hamani akuje haraka, kama vile Esta anaomba.” Basi, mufalme na Hamani wakaenda kwenye karamu yenye Esta alikuwa ametayarisha.
6 Wakati wa karamu ya divai, mufalme akamuambia Esta: “Unataka nini? Utapewa! Na unaomba nini? Hata nusu ya ufalme wangu, utapewa!”+
7 Esta akajibu: “Ninataka na ninaomba jambo hili,
8 Kama nimekubaliwa na mufalme na kama inamupendeza mufalme kunipatia kile ninataka na kunifanyia kile ninaomba, mufalme na Hamani wakuje kwenye karamu yenye nitawatayarishia kesho; na kesho nitafanya kama vile mufalme anasema.”
9 Siku hiyo Hamani akaondoka akiwa na shangwe na moyo wenye furaha. Lakini wakati Hamani alimuona Mordekai katika mulango mukubwa wa mufalme na kutambua kwamba hakusimama na kutetemeka mbele yake, Hamani akajaa kasirani kwa sababu ya Mordekai.+
10 Hata hivyo, Hamani akajizuia na kuenda katika nyumba. Akaita marafiki wake na Zereshi+ bibi yake.
11 Hamani akajisifu kwa sababu ya utajiri wake mwingi, wana wake wengi,+ na namna mufalme alikuwa amemupandisha cheo na kumuinua juu ya wakubwa na watumishi wa mufalme.+
12 Hamani akaongeza: “Zaidi ya hilo, Malkia Esta, hakumualika mutu mwingine yeyote isipokuwa mimi ili kumusindikiza mufalme kwenye karamu yenye alitayarisha.+ Nimealikwa pia kesho ili kuwa pamoja naye na mufalme.+
13 Lakini mambo hayo yote hayanifurahishe wakati ninaendelea kumuona Mordekai ule Muyahudi akikaa kwenye mulango mukubwa wa mufalme.”
14 Basi Zereshi bibi yake na marafiki wake wote wakamuambia: “Tengenezesha muti wenye urefu wa mikono makumi tano (50).* Na asubui umuambie mufalme kwamba Mordekai anapaswa kutundikwa kwenye muti huo.+ Kisha uende pamoja na mufalme ili ujifurahishe kwenye karamu.” Wazo hilo likaonekana kuwa lenye kumupendeza Hamani, kwa hiyo akatengenezesha muti.
Maelezo ya Chini
^ Karibu metre 22.3 (futi 73). Angalia Nyongeza B14.
