Esta 7:1-10
7 Kwa hiyo mufalme na Hamani+ wakaingia kwenye karamu ya Malkia Esta.
2 Mufalme akamuuliza tena Esta siku ya pili wakati wa karamu ya divai: “Malkia Esta, unataka nini? Utapewa. Unaomba nini? Hata nusu ya ufalme wangu, utapewa!”+
3 Malkia Esta akajibu: “Kama umenikubali, Ee mufalme, na kama inamupendeza mufalme, ninataka nipewe uzima wangu,* na ninaomba nipewe watu wangu.+
4 Kwa maana tumeuzishwa,+ mimi na watu wangu, ili tuangamizwe, tuuawe na kuharibiwa.+ Kama tu tungeuzishwa tukuwe watumwa wanaume na wanamuke, ningenyamaza. Lakini musiba huu haufae, kwa maana utaletea mufalme upotevu.”
5 Mufalme Ahasuero akamuuliza Malkia Esta: “Ni nani ule, na iko* wapi mutu mwenye amepima kufanya jambo la namna hiyo?”
6 Esta akasema: “Ule mupinzani na adui ni huyu Hamani muovu.”
Hamani akaogopa sana kwa sababu ya mufalme na malkia.
7 Mufalme akasimama kwa kasirani, akatoka kwenye karamu ya divai na kuenda katika bustani ya nyumba ya mufalme, lakini Hamani akasimama ili kumulilia Malkia Esta kwa ajili ya uzima wake,* kwa maana alitambua kwamba mufalme alikuwa amekusudia kumupatia azabu.
8 Mufalme akarudia kutoka kwenye bustani ya nyumba ya mufalme na kuingia katika nyumba ya karamu ya divai na akaona kwamba Hamani alikuwa amejitupa kwenye kitanda mahali Esta alikuwa. Mara moja mufalme akasema: “Anataka pia kumulala kinguvu malkia katika nyumba yangu mwenyewe?” Wakati tu maneno hayo yalitoka katika kinywa cha mufalme, wakafunika uso wa Hamani.
9 Sasa Harbona,+ mumoja kati ya maofisa wa makao ya mufalme, akasema: “Pia, Hamani alitayarisha muti ili kumutundika Mordekai+ mwenye alitoa habari yenye ilimuokoa mufalme.+ Muti huo wenye urefu wa mikono makumi tano (50)* umesimamishwa karibu na nyumba ya Hamani.” Basi mufalme akasema: “Mumutundike kwenye muti huo.”
10 Kwa hiyo wakamutundika Hamani kwenye muti wenye alikuwa amemutayarishia Mordekai, na kasirani ya mufalme ikatulia.
Maelezo ya Chini
^ Ao “nafsi yangu.”
^ Ao “eko.”
^ Ao “nafsi yake.”
^ Karibu metre 22.3 (futi 73). Angalia Nyongeza B14.
