Ezekieli 28:1-26
28 Neno la Yehova likakuja tena kwangu, na kusema:
2 “Mwana wa binadamu, ambia kiongozi wa Tiro, ‘Bwana Mwenye Mamlaka Makubwa Zaidi Yehova anasema hivi:
“Kwa sababu moyo wako umekuwa na majivuno,+ unaendelea kusema, ‘Mimi ni mungu.
Ninakaa kwenye kiti cha ufalme cha mungu katika moyo wa bahari.’+
Lakini wewe ni mwanadamu tu, hauko mungu,
Hata kama katika moyo wako unajiona kuwa mungu.
3 Angalia! Uko na hekima kuliko Danieli.+
Haujafichwa siri yoyote.
4 Umejifanya kuwa tajiri kwa hekima yako na utambuzi wako,
Na unaendelea kukusanya zahabu na feza katika hazina zako.+
5 Ufundi wako katika biashara ulikuletea utajiri mwingi,+
Na moyo wako ukakuwa na majivuno kwa sababu ya utajiri wako.”’
6 “‘Kwa hiyo Bwana Mwenye Mamlaka Makubwa Zaidi Yehova anasema hivi:
“Kwa sababu katika moyo wako unajiona kuwa mungu,
7 Ninaleta wageni juu yako, wenye hawana huruma kabisa kati ya mataifa,+
Nao watachomoa panga zao ili kushambulia uzuri wa hekima yako
Nao watachafua utukufu wako mukubwa.+
8 Watakushusha katika shimo,*
Na utakufa kifo cha jeuri katika moyo wa bahari kubwa.+
9 Je, bado utamuambia ule mwenye kukuua, ‘Mimi ni mungu?’
Utakuwa mwanadamu bure, hapana mungu, katika mukono wa wale wenye kukuchafua.”’
10 ‘Kwa mukono wa wageni, utakufa kifo cha watu wenye hawatahiriwe,
Kwa maana mimi mwenyewe nimesema,’ ni vile Bwana Mwenye Mamlaka Makubwa Zaidi Yehova anasema.”
11 Na neno la Yehova likakuja tena kwangu, na kusema:
12 “Mwana wa binadamu, imba wimbo wa huzuni* kuhusu mufalme wa Tiro, na umuambie, ‘Bwana Mwenye Mamlaka Makubwa Zaidi Yehova anasema hivi:
“Ulikuwa mufano wa ukamilifu,*
Ulijaa hekima+ na ulikuwa na uzuri mukamilifu.+
13 Ulikuwa katika Edeni, bustani ya Mungu.
Ulipambwa kwa kila jiwe lenye samani
—Zabarijadi, topazi, na yaspi;
krisolito, shohamu, na yashefi; yakuti, feruzi,+ na zumaridi;
Na vikalio na vishikio vya majiwe hayo vilikuwa vya zahabu.
Vilitayarishwa siku yenye uliumbwa.
14 Nilikuweka kuwa kerubi mwenye kutiwa mafuta mwenye anafunika.
Ulikuwa kwenye mulima mutakatifu wa Mungu,+ na ulitembea kati ya majiwe yenye moto.
15 Haukukuwa na kosa katika njia zako tangu siku uliumbwa
Mupaka wakati ukosefu wa haki ulipatikana ndani yako.+
16 Kwa sababu ya biashara yako nyingi,+
Ulijaa jeuri, na ulianza kutenda zambi.+
Kwa hiyo nitakufukuza kama kitu kichafu kutoka kwenye mulima wa Mungu na kukuharibu,+
Ee kerubi mwenye kufunika, mbali na majiwe ya moto.
17 Moyo wako ukakuwa na majivuno kwa sababu ya uzuri wako.+
Ulipotosha hekima yako kwa sababu ya utukufu wako mukubwa.+
Nitakutupa chini kwenye dunia.+
Nitakufanya kuwa kitu cha kutazamwa na wafalme.
18 Kwa sababu ya hatia yako kubwa na ukosefu wako wa haki katika biashara, umechafua mahali pako patakatifu.
Nitatokeza moto katikati yako, nao utakuteketeza.+
Nitakufanya kuwa majivu juu ya dunia mbele ya wote wenye kukuangalia.
19 Wale wote wenye walikujua kati ya vikundi vya watu watakuangalia kwa mushangao.+
Mwisho wako utafika kwa kushitukia na utakuwa mubaya,
Na wewe hautakuwa tena kwa wakati wote.”’”+
20 Na neno la Yehova likakuja tena kwangu, na kusema:
21 “Mwana wa binadamu, elekeza uso wako Sidoni,+ na utoe unabii juu yake.
22 Utasema, ‘Bwana Mwenye Mamlaka Makubwa Zaidi Yehova anasema hivi:
“Angalia, nitapigana na wewe, Ee Sidoni, na nitatukuzwa katikati yako;
Na watu watalazimika kujua kwamba mimi ni Yehova wakati nitaleta hukumu juu yake na kutakaswa ndani yake.
23 Nitatuma ugonjwa wa kuambukiza ndani yake na damu itateremuka katika barabara zake.
Wenye kuuawa wataanguka katikati yake wakati upanga utakuja juu yake kutoka pande zote;
Nao watalazimika kujua kwamba mimi ni Yehova.+
24 “‘“Halafu nyumba ya Israeli haitazungukwa tena na michongoma yenye kuumiza na miiba yenye kuleta maumivu,+ wale wenye kuwatendea kwa zarau; na watu watalazimika kujua kwamba mimi ni Bwana Mwenye Mamlaka Makubwa Zaidi Yehova.”’
25 “‘Bwana Mwenye Mamlaka Makubwa Zaidi Yehova anasema hivi: “Wakati nitakusanya tena nyumba ya Israeli kutoka katika vikundi vya watu kwenye walisambazwa,+ nitatakaswa kati yao mbele ya macho ya mataifa.+ Nao watakaa katika inchi yao+ yenye nilimupatia mutumishi wangu Yakobo.+
26 Wataishi katika inchi hiyo kwa usalama+ na watajenga nyumba na kupanda mashamba ya mizabibu,+ na watakaa kwa usalama wakati nitaleta hukumu juu ya wale wote wenye kuwazunguka wenye wanawatendea kwa zarau;+ na watalazimika kujua kwamba mimi ni Yehova Mungu wao.”’”
