Ezekieli 37:1-28
37 Mukono wa Yehova ulikuwa juu yangu, na Yehova akanibeba kupitia roho yake na kuniweka chini katikati ya bonde tambarare,+ na bonde hilo lilikuwa limejaa mifupa.
2 Akanipitisha kuizunguka pande zote, na nikaona kwamba kulikuwa mifupa mingi sana katika bonde tambarare, na ilikuwa yenye kukauka sana.+
3 Akaniuliza: “Mwana wa binadamu, je, mifupa hii inaweza kuishi?” Nikajibu: “Bwana Mwenye Mamlaka Makubwa Zaidi Yehova, wewe ndiye unajua.”+
4 Kwa hiyo akaniambia: “Toa unabii kuhusu mifupa hii, na uiambie, ‘Enyi mifupa yenye kukauka, musikie neno la Yehova:
5 “‘Bwana Mwenye Mamlaka Makubwa Zaidi Yehova anaambia hivi mifupa hii: “Nitafanya pumuzi iingie ndani yenu, na mutaishi tena.+
6 Nitatia mishipa na nyama juu yenu, na nitawafunika kwa ngozi na kutia pumuzi ndani yenu, na ninyi mutaishi; na ninyi mutalazimika kujua kwamba mimi ni Yehova.”’”
7 Kisha nikatoa unabii kama vile nilikuwa nimeamuriwa. Wakati tu nilitoa unabii, sauti ikasikika, sauti ya kugongana-gongana, na mifupa ikaanza kukaribiana, mufupa kwa mufupa.
8 Kisha nikaona mishipa na nyama zikikuja juu ya mifupa hiyo, na ngozi ikaifunika. Lakini bado hapakukuwa pumuzi ndani ya mifupa hiyo.
9 Kisha akaniambia: “Tolea upepo unabii. Toa unabii, mwana wa binadamu, na uambie upepo, ‘Bwana Mwenye Mamlaka Makubwa Zaidi Yehova anasema hivi: “Ingia kutoka kwenye zile pepo ine (4), Ee upepo,* na upulize juu ya watu hawa wenye waliuawa, ili waishi tena.”’”
10 Kwa hiyo nikatoa unabii kama vile aliniamuru, na pumuzi* ikaingia ndani yao, nao wakaanza kuishi na kusimama kwa miguu yao,+ walikuwa jeshi kubwa sana.
11 Kisha akaniambia: “Mwana wa binadamu, mifupa hii ni nyumba muzima ya Israeli.+ Wanasema, ‘Mifupa yetu imekauka, na tumaini letu limepotea.+ Tumeondolewa kabisa.’
12 Kwa hiyo toa unabii na uwaambie, ‘Bwana Mwenye Mamlaka Makubwa Zaidi Yehova anasema hivi: “Nitafungua makaburi yenu+ na kuwainua kutoka katika makaburi yenu, watu wangu, na kuwaleta katika inchi ya Israeli.+
13 Na ninyi mutalazimika kujua kwamba mimi ni Yehova wakati nitafungua makaburi yenu na kuwainua kutoka katika makaburi yenu, Enyi watu wangu.”’+
14 ‘Nitatia roho yangu ndani yenu, na ninyi mutaishi,+ na nitawafanya mukae katika inchi yenu; na ninyi mutalazimika kujua kwamba mimi mwenyewe, Yehova, nimesema na nimefanya jambo hilo,’ ni vile Yehova anasema.”
15 Neno la Yehova likakuja tena kwangu, na kusema:
16 “Na wewe, mwana wa binadamu, kamata kipande cha muti na uandike juu yake, ‘Kwa ajili ya Yuda na kwa ajili ya watu wa Israeli wenye kuwa pamoja naye.’*+ Kisha ukamate kipande kingine cha muti na kuandika juu yake, ‘Kwa ajili ya Yosefu, kipande cha muti cha Efraimu, na nyumba yote ya Israeli wenye kuwa pamoja naye.’*+
17 Kisha uvifanye vikaribiane ili vikuwe kipande kimoja tu cha muti katika mukono wako.+
18 Wakati watu wako* watakuambia, ‘Je, hautatuambia mambo haya yanamaanisha nini?’
19 uwaambie, ‘Bwana Mwenye Mamlaka Makubwa Zaidi Yehova anasema hivi: “Nitakamata kipande cha muti cha Yosefu, chenye kuwa katika mukono wa Efraimu, na makabila ya Israeli yenye kuwa pamoja naye, na nitayaunganisha kwenye kipande cha muti cha Yuda; na nitavifanya kuwa kipande kimoja cha muti,+ na vitakuwa kipande kimoja cha muti katika mukono wangu.”’
20 Vipande vya muti vyenye utaandika juu yake vinapaswa kuwa katika mukono wako ili wavione.
21 “Kisha uwaambie, ‘Bwana Mwenye Mamlaka Makubwa Zaidi Yehova anasema hivi: “Nitatosha Waisraeli katika mataifa kwenye wameenda, na nitawakusanya pamoja kutoka kila upande na kuwaleta katika inchi yao.+
22 Nitawafanya kuwa taifa moja katika inchi hiyo,+ kwenye milima ya Israeli, na mufalme mumoja atawatawala wote,+ nao hawatakuwa tena mataifa mbili; wala hawatagawanyika tena kuwa falme mbili.+
23 Hawatajichafua tena kupitia sanamu zao zenye kuchukiza* na kupitia matendo yao yenye kuchukiza na kupitia makosa yao yote.+ Nitawaokoa kutokana na ukosefu wao wote wa uaminifu wenye kupitia huo wamefanya zambi, na nitawasafisha. Watakuwa watu wangu, na mimi mwenyewe nitakuwa Mungu wao.+
24 “‘“Mutumishi wangu Daudi atakuwa mufalme wao,+ na wote watakuwa na muchungaji mumoja.+ Watatembea katika maamuzi yangu ya hukumu na watashika sheria zangu kwa uangalifu.+
25 Wataishi katika inchi yenye nilimupatia mutumishi wangu, Yakobo, kwenye mababu zenu waliishi,+ na watakaa kule milele,+ wao na watoto* wao na watoto wa watoto wao;+ na mutumishi wangu Daudi atakuwa mukubwa wao milele.+
26 “‘“Na nitafanya agano la amani pamoja nao;+ litakuwa agano la milele pamoja nao. Nitawafanya imara na kuwafanya wakuwe wengi+ na nitatia patakatifu pangu kati yao milele.
27 Hema* yangu itakuwa pamoja nao,* na mimi nitakuwa Mungu wao, nao watakuwa watu wangu.+
28 Na mataifa yatalazimika kujua kwamba mimi, Yehova, ninatakasa Israeli wakati patakatifu pangu patakuwa katikati yao milele.”’”+
Maelezo ya Chini
^ Ao “pumuzi; roho.”
^ Ao “roho.”
^ Ao “wenye kuwa washiriki wake.”
^ Ao “wenye kuwa washiriki wake.”
^ Tnn., “wana wa watu wako.”
^ Pengine neno la Kiebrania lenye linatumiwa hapa linahusiana na maneno “mavi ya wanyama” na linatumiwa ili kuonyesha zarau.
^ Tnn., “wana.”
^ Ao “Makao; Nyumba.”
^ Ao “juu yao.”
