Hagai 1:1-15
1 Katika mwaka wa pili wa Mufalme Dario, mwezi wa sita (6), siku ya kwanza ya mwezi huo, neno la Yehova likakuja kupitia nabii Hagai*+ kwa Zerubabeli+ mwana wa Shealtieli, gavana wa Yuda, na kwa Yoshua mwana wa Yehosadaki, kuhani mukubwa, na kusema:
2 “Yehova wa majeshi anasema hivi: ‘Watu hawa wanasema, “Wakati wa kujenga* nyumba ya* Yehova haujafika.”’”+
3 Na neno la Yehova likakuja tena kupitia nabii Hagai,+ na kusema:
4 “Je, huu ni wakati wa ninyi kukaa katika nyumba zenye kufunikwa kwa mbao, wakati nyumba hii imeharibika kabisa?+
5 Sasa Yehova wa majeshi anasema hivi: ‘Muweke moyo wenu* juu ya njia zenu.
6 Mumepanda mbegu nyingi, lakini mumevuna kidogo.+ Munakula, lakini hamushibe. Munakunywa, lakini hamutosheke. Munavaa nguo, lakini hakuna mwenye kupata joto. Mufanyakazi anaingiza mushahara wake katika mufuko wenye kutoboka-toboka.’”
7 “Yehova wa majeshi anasema hivi: ‘Muweke moyo wenu* juu ya njia zenu.’
8 “‘Mupande kwenye mulima na mulete miti.+ Na mujenge nyumba hii,+ ili niifurahie na ili nitukuzwe,’+ ni vile Yehova anasema.”
9 “‘Mulitazamia mengi, lakini mulipata kidogo; na wakati muliyaleta katika nyumba, niliyapeperusha mbali.+ Kwa sababu gani?’ ni vile Yehova wa majeshi anasema. ‘Kwa sababu nyumba yangu imekuwa mabomoko, wakati kila mumoja wenu anaenda huku na huku ili kuhangaikia nyumba yake mwenyewe.+
10 Ndiyo maana mbingu haziwateremushie umande, na dunia haitoe mazao yake.
11 Na nimeendelea kuleta ukame juu ya dunia, juu ya milima, juu ya nafaka, juu ya divai mupya, juu ya mafuta, juu ya kile chenye kukomaa kutoka katika udongo, juu ya wanadamu na mifugo, na juu ya kazi zenu zote za mikono.’”
12 Zerubabeli+ mwana wa Shealtieli+ na Yoshua mwana wa Yehosadaki,+ kuhani mukubwa, na watu wengine wote wakasikiliza sauti ya Yehova Mungu wao na maneno ya nabii Hagai, kwa sababu Yehova Mungu wao alikuwa amemutuma; na watu wakaanza kumuogopa Yehova.
13 Kisha Hagai, mujumbe wa Yehova akapatia watu ujumbe huu kama vile Yehova alimuamuru: “‘Niko pamoja na ninyi,’+ ni vile Yehova anasema.”
14 Basi Yehova akaamusha roho+ ya Zerubabeli mwana wa Shealtieli, gavana wa Yuda,+ na roho ya Yoshua+ mwana wa Yehosadaki, kuhani mukubwa, na roho ya watu wengine wote; wakakuja na wakaanza kujenga nyumba ya Yehova wa majeshi, Mungu wao.+
15 Ilikuwa siku ya makumi mbili na ine (24) ya mwezi wa sita (6), katika mwaka wa pili wa Mufalme Dario.+
Maelezo ya Chini
^ Maana yake “Mwenye Alizaliwa Wakati wa Sikukuu.”
^ Ao “kujenga upya.”
^ Ao “hekalu la.”
^ Ao “Mufikiri sana.”
^ Ao “Mufikiri sana.”
