Yobu 13:1-28
13 “Ndiyo, jicho langu limeona mambo hayo yote,Sikio langu limeyasikia na kuyaelewa.
2 Mambo yenye munajua, mimi pia ninayajua;Mimi siko mudogo kuliko ninyi.
3 Kwa upande wangu, ingekuwa muzuri kama ningesema mimi mwenyewe na Mweza-Yote;Ninatamani kutetea kesi yangu ya hukumu mbele ya Mungu.+
4 Lakini munanipakaa uongo;Ninyi wote ni wanganga wenye hawana faida yoyote.+
5 Ingekuwa muzuri kama mungenyamaza kabisa,Hilo lingeonyesha kwamba muko na hekima.+
6 Tafazali, musikilize mawazo yangu,Na mukazie uangalifu maombi ya midomo yangu.
7 Je, mutamusemea Mungu maneno yenye hayako ya haki,Na je, mutasema kwa udanganyifu kwa ajili yake?
8 Je, mutakuwa upande wake,*Je, mutajaribu kutetea kesi ya hukumu ya Mungu wa kweli?
9 Je, mutapona kama anawachunguza?+
Je, mutamudanganya kama vile mungemudanganya mwanadamu mwenye anaweza kufa?
10 Hakika atawakaripiaKama munajaribu kuonyesha upendeleo kwa siri.+
11 Je, utukufu wake mwenyewe hautawaogopesha sanaNa woga wake hautawaangukia?
12 Maneno yenu ya hekima ni mezali za majivu;Maneno yenu ya kujitetea ni zaifu kama vile ngao za udongo.
13 Munyamaze mbele yangu, ili mimi pia niseme.
Kisha muache kile kitanipata kinipate!
14 Sababu gani ninajiweka katika hatari*Na kuweka uzima wangu* katika mikono yangu?
15 Hata kama angeniua, ningeendelea kungojea;+Ningetetea kesi yangu ya hukumu mbele ya uso wake.
16 Halafu angekuwa wokovu wangu,+Kwa maana mutu mwenye hamuogope Mungu* hawezi kuingia mbele yake.+
17 Musikilize kwa uangalifu maneno yangu;Mukazie uangalifu mambo yenye ninasema.
18 Muone, sasa, nimetayarisha kesi yangu ya hukumu;Ninajua kwamba niko na haki.
19 Ni nani atashindana na mimi?
Ningekufa kama ningenyamaza!*
20 Ee Mungu, ninakuomba tu mambo mbili,Ili nisijifiche mbele yako:
21 Ondoa mukono wako muzito juu yangu,Na usiache woga wako uniogopeshe.+
22 Ao uite na mimi nitajibu,Ao uniache niseme, na wewe unijibu.
23 Nimefanya makosa na zambi gani?
Unionyeshe kosa langu na zambi yangu.
24 Sababu gani unaficha uso wako+Na kuniona kuwa adui yako?+
25 Je, utajaribu kuogopesha jani lenye kupeperushwa na upepoAo kufuatilia majani yenye kukauka?
26 Kwa maana unaendelea kuandika mashitaka makali juu yangu,Na unanifanya nipate matokeo ya zambi za ujana wangu.
27 Umetia miguu yangu katika mikatale,Unachunguza njia zangu zote,Na unafuata kila alama ya miguu yangu.
28 Kwa hiyo mwanadamu* anaharibika kama kitu chenye kuoza,Kama nguo yenye imekuliwa na nondo.*
Maelezo ya Chini
^ Ao “mutamupendelea.”
^ Tnn., “Sababu gani ninabeba nyama yangu katika meno yangu?”
^ Ao “nafsi yangu.”
^ Ao “muasi-imani.”
^ Ao pengine, “Mutu akiweza, nitanyamaza na kufa.”
^ Tnn., “yeye,” pengine mwanadamu mwenye kutajwa ni Yobu.
^ Nondo ni kidudu fulani cha kuruka chenye kinakula nguo.
